122
23 shares, 122 points

Најважниот новитет во освеженото моделско годиште на Kia Sportage е комбинирањето на дволитарскиот дизел со стартер-генератор во благ хибрид. Од тоа профитираат и штедливоста и комфорот при возење во град

Автомобилите на азиските марки имаат кус пазарен век. Додека првата генерација на Kia Sportage се продаваше цели единаесет години, на втората ѝ беа доволни само шест, а на третата дури пет години. Актуелниот модел е на пазарот од 2015 година, а наследникот може да се очекува околу 2020 година.

Компактниот СУВ е меѓу најпродаваните модели на Корејците. За тоа да не се смени, конкурентот на Volkswagen T-Roc долг 4,46 метри доби освежен изглед и стартер-генератор во комбинација со дволитарскиот дизел. Според тоа, Sportage отсега вози и како благ хибрид.

Напред се забележуваат нов браник со хромирана лајсна и модифицирана маска, а свежа форма имаат добиено и диодните светла. Во спортското ниво GT-Line дури и магленките користат диодни светилки. Спортските гени ги нагласуваат бандажи од 19 инчи и двојна издувна цевка.

Промените во внатрешноста се поскромни. Воланот е смален, инструментите и отворите за проветрување се редизајнирани. GT-Line дополнително има алуминиумски педали и црни кожени седишта.

Kia Sportage Ecodynamic 2

Ecodynamic е името што Kia го користи за својот благ хибриден погон. Системот е комбиниран со дволитарски дизел. Следната година пристига нов дизел со зафатнина од 1,6 литар, кој ќе донесе уште пониска потрошувачка. Под благ хибрид се подразбира примената на електромотор, којшто е поврзан со моторот преку ременски погон и при палењето функционира како обичен стартер. Неговата корист е првенствено во тоа што се активира при забрзување, и со моќноста од 12 киловати, односно 16 КС, му помага на моторот, растоварувајќи го и на тој начин смалувајќи ја потрошувачката на гориво.

Третата фунција на стартер-генераторот е во претворањето на кинетичката енергија во електрична енергија при сопирање. Оваа енергија се акумулира во литиум-јон батерија, со капацитет од 436 Wh и напон од 48 волти.

Kia Sportage Ecodynamic 3

И покрај тоа што во хибридната комбинација влегува класичен 8-степен автоматик со претворач на вртежен момент, потрошувачката според фабрика изнесува само 5,8 литри. Со SCR-техника и акумулациски катализатор за азотни оксиди, дизел-хибридот на Kia ја исполнува нормата Euro 6d Temp и испушта 153 грами CO2 на километар. Заштедата во гориво изнесува седум проценти. Моторот гасне кога возилото под инерција ќе забави под темпо 30.

За тоа придонесуваат и други фактори. Моторот е полесен за 15 килограми, триењето е смалено за 11,5 проценти, а се интервенирало и со неколку зафати за натамошно оптимирање на согорувањето.
Kia Sportage се испорачува и со два бензинци, со зафатнина од 1,6 литар и со моќност од 132, односно 177 КС. Посилниот агрегат оди и во комбинација со менувач со двојна спојка и погон на сите тркала. Дизелот исто така има 1,6 литар и постигнува 115, односно 136 КС. За посилната верзија може да се избере автоматски менувач и погон на сите тркала.

Благиот хибрид Ecodynamic наскоро ќе се примени и во компактниот Ceed, но таму ќе работи во комбинација со 1,6-литарски турбо бензинец.

Технички податоци · Kia Sportage Ecodynamic 2.0 CRDI AWD

Мотор: 4 цилиндри, дизел, 1995 ccm, турбо, директно впрскување
Моќност: 136 kW / 185 КС при 4000 / min
Вртежен момент: 400 Nm при 1750–2750 / min
Крајна брзина: 201 km/h
Забрзување 0 до 100 km/h: 9,5 s
Просечна потрошувачка: 5,8 L
Емисија на CO2: 153 g/km (Euro 6d TEMP)
Празно возило / Носивост: 1747 kg / 503 kg
Должина x Ширина x Висина (m): 4,46 x 1,86 x 1,66
Меѓуоскино растојание (m): 2,67
Багажник: 439 – 1428 L
Агол на пристап / на излез: 16,8° / 26,1°
Растојание од подлога: 172 mm
Приколка: 1900 kg
Круг на вртење: 10,8 m
Гуми: 225/60 R17


Ти се допаѓа? Сподели со пријателите!

122
23 shares, 122 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743