162
47 shares, 162 points

Половина милион продажби и цела деценија во постојано зголемување на продажбата од година в година. Kia повеќе не се шири, туку практично почнува да владее со европскиот пазар. Годинава пристигаат нови хибридни и електро-модели. И Ceed е нов.

Половина милион продадени автомобили во Европа лани и полна деценија постојан раст од година в година. Тоа е билансот на Kia, која лани ја зголемила продажбата за 4,7 проценти и постигнала рекорден удел од 3,2 проценти на целиот пазар. Во 2008 година, корејската марка продала 238.643 возила и покривала само 1,6% од пазарот. Откако почна своевидниот победнички поход пред една деценија, продажбата и уделот се зголемиле повеќе од двојно.

Најголем пазар за марката во Европа е британскиот, со рекордни 95.764 автомобили лани. Тоа значи дека близу еден од секои пет продадени автомобили на Kia се регистрирале на „островот“. Овој повеќе од пристоен напредок во Европа се должи на широката и свежа понуда од кросовери и СУВ-модели, но влијае и електрификацијата на погонската спрега во неколку модели.

Kia е единствена марка што цела декада бележи раст во продажбата во Европа

Ceed и Sportage остануваат главни носители на продажбата, а меѓу главните продажни аргументи останува и 7-годишната гаранција. Пазарот реагира одлично и на кросоверите Niro и Stonic. Во меѓувреме пристигна и нова генерација на Ceed, тука е и моќниот имиџ што Stinger го остава врз целата гама. Освежени се Sportage и Picanto. Годинава стартува продажбата на ProCeed, а се очекува и зголемување на понудата од модели со електрифицирана погонска спрега.

Kia Pro Ceed pocetok proizvodstvo

Продажбата на хибриди, плагин-хибриди и „батериски“ модели лани пораснала за повеќе од една третина во споредба со преклани, со вкупно продадени 58.029 возила. Тоа значи дека моделите со електрифицирана погонска спрега во меѓувреме учествуваат со повеќе од 10% во вкупната продажба на марката во Европа.

Уште еден модел што ќе се бори за врвните места е кросоверот Niro – во верзии со плагин-хибриден и со електричен погон

Впечатлив напредок постигнува Niro, кој бил петта напродавана Kia лани, со раст од 33,6% и вкупно 45.255 продажби – од кои 34.642 хибриди и 9.951 плагин-хибриди. Од електричниот Niro, кој пристигна во салоните во декември, се продале 662 возила – за помалку од еден месец.

Kia Niro EV

Вистинскиот „електричар“ на Kia е Soul EV, со 6.402 примероци (+12.0%), кој лани ја имаше последната година, пред да пристигне новиот модел подоцна годинава. Хибридните изведби на Optima постигнале 4.573 продажби (+49.1%), пред 1.799 примероци од Sportage EcoDynamics+, кој вози како благ хибрид со стартер-алтернатор и со 48-волтна мрежа.

Водечкиот двоец останува ист: Sportage прв, Ceed веднаш по него

Најважните бројки секако се оние на Ceed. Од стартот летоска се продале 24.531 примероци од класичниот Kia Ceed и комбито Ceed Sportswagon. Месецов стартуваат уште Ceed GT, Ceed GT Line и ProCeed. Првото место во продажбата и натаму му припаѓа на Sportage, со 125.266 примероци лани.

Kia Ceed 1.4 mpi advance test

Трет по продажба е малечкиот Picanto, кој се нуди и како кросовер X-Line и во верзија со 100 турбо-КС. Импресивни 75.315 примероци од Picanto се продале во Европа, кого што Kia практично го позиционира како премиум модел во мини-градската класа.

Четвртото место за лани му припаѓа на кросоверот Kia Stonic, со 55.742 возила. A, Stinger? Пазарот дефинитивно не пропушта да реагира и на оваа „супер-киа“. Спортската лимузина со ГТ-манири лани постигнала 3.853 продажби. Честито, Kia.

Тест: Kia Ceed 1.4 MPi Advance

Тест: Kia Sportage 1.6 GDi Vision 2WD

Kia Sportage безгрешна и на супертестот на Auto Bild

Kia Stinger е спортска лимузина на годината според англискиот Evo


Ти се допаѓа? Сподели со пријателите!

162
47 shares, 162 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format