142
19 shares, 142 points

Од отворањето на претставништвото во 1993 година, Kia досега продаде еден милион автомобили на германскиот пазар. Славеничкиот модел е кросоверот Kia XCeed.

Kia ја одбележа продажбата на едномилионитиот автомобил во Германија. Директорот на претставништвото на Kia Motors за германскиот пазар, Штефен Кост, го предаде славеничкиот автомобил на брачниот пар Евелин и Ханс Гинтер Торке, во салонот на дилерот во градот Моерс, во сојузната покраина Северна Рајна – Вестафалија.

Корејската марка првпат пристигна официјално на германскиот пазар во 1993 година. Јубилејниот автомобил е хит-кросоверот XCeed, модел кој неодамна беше на тест во нашата редакција.

Тест: Kia XCeed 1.4 T-GDI

За динамиката на продажба одлично говори фактот што половина од продажбата е постигната во периодот од 2012 година. Лани во земјата беа продадени близу 70.000 нови автомобили на Kia. Марката пет години во низа бележи нови рекорди на овој пазар, којшто е водечки по бројот на продадени автомобили во Германија.

Во германскиот град Франкфурт на Мајна се наоѓа и седиштето на европскиот огранок на Kia, под чијашто надлежност припаѓа и македонскиот пазар.


Ти се допаѓа? Сподели со пријателите!

142
19 shares, 142 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *