190
27 shares, 190 points

Од 2021 година, новите автомобили во ЕУ ќе смеат да испуштаат само 95 грами СО2 по километар. Една студија открива дека некои производители ќе го пропуштат рокот и можеби ќе плаќаат казни во висина од милијарди евра

Производителите на автомобили повеќе не можат да манипулираат со вредностите на штетните материи во издувот. По три години, ЕУ воведува нови и построги гранични вредности за емисијата на СО2 од новите автомобили. Моментно ниту една марка не ги исполнува барањата што ќе стапат во сила во 2021 година.

Само неколку производители, а првенствено Toyota со нејзините хибридни автомобили, ќе успеат да ги достигнат строгите лимити. Останатите автомобилски марки ќе мора да вложат големи напори. Во спротивно се закануваат казни, коишто ќе се пресметуваат за секој грам СО2 над лимитот, по секое продадено возило. Казните за производителите кои нема да ги исполнат строгите барања за емисијата на штетни материи, на тој начин ќе достигнуваат и по неколку милијарди евра.

До 2021 година се бара просечната емисија од сите новорегистрирани патнички автомобили во ЕУ да биде пониска од 95 грами СО2 по километар. Тоа одговара на потрошувачка од 4,1 литри бензин, односно 3,6 литри дизел на сто километри. За секој производител постојат различни гранични вредности, коишто се одредуваат според просечната тежина по возило.

Ова правило е воведено, за производителите коишто имаат само големи и тешки модели во својата понуда, да не се доведат во подредена ситуација во однос на производителите, кои нудат само неколку модели од пониските класи возила. Граничната вредност за Daimler, на пример, изнесува 103 грами, додека лимитот за Fiat Chrysler е многу пониско и изнесува само 91 грами. На крај, вредностите од сите одделни производители треба да дадат заеднички просек којшто ќе биде под 95 грами СО2.

Експертите располагаат со актуелните вредности на одделните производители на автомобили, коишто покажуваат колку сите тие се далеку од достигнувањето на целта за 2021 година.

razlika do limit za 2021

На графиконот јасно се забележува врската меѓу емисијата на СО2 и просечната тежина на автомобил за одделните производители. Toyota е најблиску до својата цел, Fiat, Hyundai, Ford и Volkswagen се најдалеку. Кај Mercedes и BMW ќе следи огромен пад во вредноста на СО2, затоа што премиум марките масовно пуштаат во продажба плагин-хибридни модели.

tabelaren pregled po proizvoditel

Спротивна е ситуацијата кај Fiat Chrysler, кадешто е под знак на прашање дали итало-американскиот гигант ќе ги исполни целите до поставениот рок. Во моментов ниту една од марките на FCA нема електричен или хибриден модел во својата понуда на европскиот пазар. За исполнување на целта, Fiat треба да скуси најмалку 29 грами од емисијата на СО2 на своите автомобили.


Ти се допаѓа? Сподели со пријателите!

190
27 shares, 190 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743