160
21 shares, 160 points

Калифорнија нема да ги почитува новите норми за потрошувачка на гориво, коишто ќе им овозможат на американските производителите на автомобили да продолжат со продажба на возила со висока потрошувачка на гориво и соодветно висока емисија на штетни материи.

Претставници од американската автомобилска индустрија се најдоа пред работното биро на Трамп кусо по неговото влегување во овалната канцеларија во Белата Куќа. Тие побараа од новиот претседател укинување на строгите норми за потрошувачка на гориво, коишто беа донесени во времето на Обама.

Новите норми предвидуваа просечната потрошувачка на гориво до 2025 година да се намали на 55 милји по галон, односно околу 4,3 литри на сто километри, што е голем предизвик за индустријата којашто најмногу произведува тешки пикапи и СУВ-модели.

Очигледно е дека успеало убедувањето, затоа што американската агенција за животна средина ЕПА во следните денови ќе гласа за нови норми за потрошувачката на гориво. Се очекува дека овие норми ќе бидат многу поблиски до интересите на производителите на автомобили.

Агенцијата ЕПА нема планови да ја поттикне автомобилската индустрија во земјата да развива и произведува поекономични и поеколошки возила

Со агенцијата ЕПА денес раководи Скот Пруит, кој го дели истото убедување со Трамп, дека климатските промени не се предизвикани од човечки фактор. Тој оценува дека законите од времето на Обама се „преголем предизвик за американските производители, коишто на тој начин ќе бидат спречени да ги продаваат моделите што се особено популарни меѓу Американците.“

Но, Пруит и Трамп имаат еден моќен и решен противник, кој може да ги поништи плановите на двајцата скептици околу заштитата на животната средина. Тоа е сојузната држава Калифорнија, најважниот автомобилски пазар во САД и предводник во почитувањето на строги закони за заштита на животната средина. „Златната држава“ може да ја искористи можноста што ја добива со таканаречениот акт за чист воздух и да постави сопствени гранични вредности.

Според пишувањето на „Лос Анџелес Тајмс“, шефот на ЕПА планира на Калифорнија да ѝ го одземе правото за донесување построги норми. Но, актуелната ситуација во Вашингтон ги отежнува плановите на Скот Пруит. Тој е еден од членовите во кабинетот на Трамп, коишто се товарат за расипништво.

Калифорнија е „подготвена на сите сценарија, со цел да се заштитат здравјето и економијата“

Калифорнискиот министер за правда Ксавиер Бесера нема намера да отстапи: „Подготвени сме на сите сценарија, со цел да ги заштитиме нашето здравје и нашата економија.“ Со почитување на ограничувањата за потрошувачката на гориво се предвидува преполовување на емисијата на стакленички гасови во споредба со 2010 година. Донесувањето на овие закони во времето на Обама, според агенцијата за заштита на животната средина ЕПА, беше „најважната владина акција во историјата.“

Автомобилската индустрија се надева дека ќе биде постигнат компромис меѓу Калифорнија и Агенцијата. Бил Форд, шеф на Ford Motor, се изјасни дека неговата компанија „не бара комплетна отстапка, туку флексибилност, којашто на клиентите ќе им овозможи избор што можат да го платат.“

Според Лос Анџелес Тајмс, администрацијата на Трамп воопшто не постапува дипломатски во поглед на заштитата на животната средина. Шефот на ЕПА смета дека Калифорнија ќе го изгуби правото да поставува сопствени цели во заштитата на климата. Но, на „златната држава“ досега не ѝ е одземено ниту едно право. „Калифорнија силно ќе им се спротивстави на сите обиди за укинување на строгите норми за потрошувачката на гориво,“ најавуваат еколозите во сојузната држава.

Еден милион корисници на car2go во Северна Америка

И американските судови се острат против германскиот картел

Како Американците профитираа од нападот врз дизелите на Volkswagen

 


Ти се допаѓа? Сподели со пријателите!

160
21 shares, 160 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743