163
31 shares, 163 points

Бразил, Аргентина, Парагвај и Уругвај, четири јужноамерикански држави коишто ја сочинуваат трговската зона Меркосур, најавуваат преполовување на царината за автомобили произведени во ЕУ. Тоа е добредојдена вест за браншата во време кога САД се закануваат со воведување големи давачки за европските возила

Јужноамериканската трговска зона Меркосур е во преговори со ЕУ за намалување на увозната царина за европските автомобили за 50 проценти. Во Бразил, Аргентина, Парагвај и Уругвај, четирите држави коишто ја сочинуваат оваа трговска зона, царинската стапка за автомобилите од ЕУ моментно изнесува 35 проценти. Планот е царината за овие автомобили да се преполови за следните седум години, на 17,5 проценти.

Во моментов се утврдува максималната квота од европски автомобили коишто би се увезле на големиот јужноамерикански пазар со повластената царинска стапка. По седумгодишниот период, царината ќе се намалува постепено, сé додека не се укине целосно по наредните осум години.

Меркосур ќе ги продолжи преговорите со ЕУ. Се очекува во текот на следниот месец да биде склучен договор за воспоставување слободна трговска зона. Производителите на автомобили гледаат голем потенцијал за раст на пазарот во Јужна Америка, особено во Бразил, кадешто повеќето марки се присутни со сопствени фабрики. Лани на бразилскиот пазар се продале повеќе од 2,2 милиони возила, вклучувајќи доставни возила и камиони.


Ти се допаѓа? Сподели со пријателите!

163
31 shares, 163 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *