169
22 shares, 169 points

Влијателен јутјубер има забрана за пристап на Нирбургринг, поради тоа што снимал видеа од незгодите по тркачката патека и истите ги објавувал за својата публика.

Авторот на каналот „Auto Addiction“ на јутјуб долги години наназад објавува спектакуларни сцени што се случуваат на тркачката патека Нирбургринг. Меѓу другото, Ник Е. објавува и снимки од незгодите. Со близу 300.000 следачи, тоа е еден од најголемите канали со снимки од Нирбургринг и Нордшлајфе на јутјуб.

Пасионираниот автомобилист повеќе не смее да објавува видеа од патеката. Управата му забрани пристап на Ник Е., затоа што снимал без дозвола. Тоа е основен услов за каналите на јутјуб што имаат повеќе од 10.000 следачи. Покрај тоа, управата на Нирбургринг забранува фотографирање и снимање на незгоди од каков било вид. Во спротивно се одзема дозволата за снимање.

Според Ник Е., незгодите, дрифтовите и опасните престигнувања се дел од секојдневието на тркачката патека. Тие се воедно и причина за публиката да доаѓа на Нирбургринг. Управата сепак ги забранува видеата од таков вид, зашто носат лош публицитет.


Ти се допаѓа? Сподели со пријателите!

169
22 shares, 169 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *