141
19 shares, 141 points

Производителот на Jaguar и Land Rover ги заштити авторските права на 29 нови моделски ознаки. Според информациите на магазинот auto motor und sport, меѓу ознаките се наоѓаат P-Type, T-Type, Stormer и Freestyle. Тоа навестува голема моделска офанзива и проширување на понудата на благородните марки од островот.

Бизнисот му врви одлично на британскиот Jaguar Land Rover. Спортското купе F-Type го живее духот на легендарниот предок E-Type, а марката не го пропушта и растечкиот сегмент на теренци, кадешто е присутна со F-Pace. Специјалистот за теренци, пак, неодамна го претстави Range Rover Velar со когошто се впушта во битка со BMW X6 и Mercedes GLE Coupe.

Како што денес објавува германскиот магазин auto motor und sport, концернот од островот подготвува уште помасовна моделска офанзива. Дури 29 нови моделски имиња и ознаки неодамна се регистрирани кај надлежните американски институции.

Jaguar ги има заштитено авторските права на кратенките P-Type, T-Type, XJS, C-XE, iXE, diXE, XEdi, XEi, CXF и CXJ, додека идните моделски имиња кај Land Rover гласат Westminster, Freestyle, Stormer, Sawtooth, Landmark, Range Rover Classic и Landy.

Магазинот посочува дека регистрирањето на овие моделски имиња не мора да значи и моментно лансирање на соодветни нови модели. Некои имиња се веќе познати од историјата на британските марки, како XJS, коешто го носеше големото купе на Jaguar во 1970-те години. Кратенката C, пак, користена е во поново време за концептните модели C-X16 и C-X75. Неколкуте означи во коишто се појавува „i“ би се однесувале на евентуални модели со погон на струја или со хибриден погон, претпоставува магазинот.

За новорегистрираните ознаки кај Land Rover, поверојатно е дека станува збор за специјални серии. Моделското име Landy е можно да се појави на наследникот на Defender.


Ти се допаѓа? Сподели со пријателите!

141
19 shares, 141 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *