124
20 shares, 124 points

Jaguar Land Rover денес ја отвори фабриката во Нитра, Словачка. Индустрискиот комплекс со површина од 300.000 метри квадратни располага со капацитет за производство на 150.000 автомобили годишно

Во словачката фабрика ќе се произведува Land Rover Discovery. Тоа е прва фабрика во Европа, во којашто се применува системот „Pulse-Carrier“ на специјалистот за роботика Kuka. Предноста е во скусувањето на времето на трансфер на деловите за 30 проценти во споредба со обичните системи. Лакирницата исто така поседува висок степен на автоматизација. Вкупната инвестиција изнесува една милијарда фунти, односно околу 1,4 милијарда евра.

Jaguar Land Rover е прв британски производител на автомобили во Словачка

Jaguar Land Rover во фабриката вработува околу 1.500 лица, од кои 98% се словачки државјани, а околу една третина од персоналот се жени. Наскоро ќе следи втората фаза на регрутирање на локално ниво, во којашто ќе бидат избрани уште 850 лица. Голем дел од компонентите, како седиштата или бандажите, JLR ќе ги набавува во регионот. Ова е прв производствен погон на британски производител на автомобили во Словачка.

Jaguar Land Rover Slovacka 1

Нитра е следниот чекор во стратегијата за глобално ширење на претпријатието, по отворањето на мешовитата компанија во Кина во 2014 година и на бразилската фабрика пред две години. Во Индија се произведува по налог од 2011 година, а од минатата година и во Австрија.

Jaguar патува за Париз со осум генерации на XJ

Каде запна продажбата на Jaguar Land Rover?

Рекорд на Land Rover со колона од 632 возила


Ти се допаѓа? Сподели со пријателите!

124
20 shares, 124 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *