177
22 shares, 177 points

Производителите на автомобили, добавувачите на делови за фабриките за автомобили и нивните вработени покажуваат голема креативност и флексибилност во време на корона. Инженери на Continental, на пример, развија додаток за квака што штити од пренесување инфекција.

Volkswagen, Daimler, BMW, Ford и други производители изработуваат заштитни маски, визири и друга медицинска опрема во посебно издвоен простор во своите фабрики. Се произведува за сопствените потреби, но опремата се испорачува масовно и за здравствените институции.

Во фабриката на добавувачот Continental во Руби, Шпанија, околу триесетина лица се придружија на иницијативата „Coronavirus Makers“. Нивна задача е своите знаења и искуства да ги користат за производство на медицинска заштитна опрема. Вработените произведуваат медицински заштитни визири во сопствените станови и на приватни 3D-печатари. Слични мрежи се активни и ширум Европа, Азија и САД – кај нас уште во самите почетоци на кризата беше започната таква иницијатива и истата беше прифатена со масовно поздравување преку социјалните мрежи.

Инженерите на Continental беа креативни и конструираа додаток за квака на врата, што сами го изработуваат на 3D-печатари. Овој додаток овозможува вратите да се отвораат со подлактицата, без потреба кваката да се допира со дланките.

Тоа секако дека е далеку од техничка револуција, но во овие времиња е најважна иницијативата. Некој друг ќе ја искористи оваа идеја и ќе ја примени, можеби и уште подобро.


Ти се допаѓа? Сподели со пријателите!

177
22 shares, 177 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *