Индиската влада му се приклучува на светот во преоѓањето во ерата на електромобилноста. Од 1-ви август е намален данокот за добра и услуги што се наплаќа за електрични автомобили, полначи за нив, како и за електрични автобуси.
Министерството за финансии на Индија го смали данокот за добра и услуги што се наплаќа за електрични автомобили од 12 на 5 проценти. Соодветно е смалена и даночната стапка за полначи за струја, од 18 проценти на пет проценти. Покрај тоа, финансирањето на електрични автобуси наменети за локалните организации целосно се ослободува од данок.
На овој начин, електричните автомобили стануваат подостапни за поширок круг купувачи, откако властите долго време го запоставуваа сегментот во тој поглед. Индија неодамна воведе и неколку програми за субвенционирање на користењето електрични автобуси во јавниот превоз. Даночни олеснувања следат и за такси-компаниите и општо за возила за комерцијална примена. Владините агенции во Делхи веќе користат околу 500 електрични автомобили што се набавени преку тендер.
Во поволностите е вклучено и ослободување од данок за одреден износ од кредитот
При финансирање на приватно електрично возило, исто така следат неколку повластици, кои водат до намалување на месечната рата за отплата, а со тоа и на вкупната цена на возилото. Измените стапија во сила на 1-ви август. Моментно е мала понудата од електрични возила за индиските возачи, односно таа се сведува на Mahindra Electric e2o и Hyundai Kona Electric. Моделите Mahindra eVerito и Tata eTigor моментно се достапни само за комерцијална примена.
Законските измени повлекоа соодветни чекори и кај производителите во големата азиска земја. Tata Motors ги намали цените на своите електрични модели за 80.000 рупии, односно околу илјада евра.