за

Kia замислува електричен автомобил што ќе ги буди чувствата

Imabine by Kia

Дизајнерите на Kia препознаа унифицираност кај постоечките електрични автомобили. Сите изгледаат здодевно. Концептот наречен Imagine by Kia сака да го смени тоа.

Kia е една од многуте марки што во Женева изложуваат само модели со електричен погон. Како светска премиера е прикажан концептот „Imagine by Kia“. Додека повеќе од половината автомобилски марки уште се во фаза на најава на модели што користат електромотор во погонската спрега, корејската марка веќе напредуваше далеку. Заедно со „Imagine“ на штандот е изложен e-Soul, кој има европска премиера и локално ќе се продава само во електрична изведба, а има новитети и во гамата на кросоверот Niro, кадешто се нудат речиси сите замисливи погонски варијанти.

Моментно еден од секои осум продадени автомобили на Kia низ светот има електричен или електрифициран погон

Дизајнот на „Imagine by Kia“ е дело на центарот во Франкфурт, кој со концептниот автомобил имаше цел да создаде изглед кој ќе ги побуди емоциите, во спој со возни својства што го раздвижуваат адреналинот. Очигледно дека дизајнерите во германскиот центар воочиле дека повеќето автомобили со електричен погон изгледаат, благо речено, исплакнато.

New photo by Automedia MK / Google Photos

Од Kia не наведуваат дали постојат конкретни шанси за реализација на идејата во сериски автомобил, но се насетува намерата за тоа, кога менаџерите напоменуваат дека „ова е првиот електричен автомобил на Kia со четири врати“. Може да се замисли идна купе-лимузина со погон на струја, којашто и натаму ќе отстапува од вообичаените рамки и стандарди, веројатно некоја форма на електричен Stinger. Интересен детал е светлечкиот лак над вратите, како и целосно различниот концепт на светлосните групи напред и назад.

New photo by Automedia MK / Google Photos

Дизајнерскиот тим се посветил и на новата слобода во креирањето на ентериерот, бидејќи електричниот погон со своите компактни димензии и флексибилност при поставувањето на компонентите отвора многу простор. Како пародија на актуелната манија со вградување многубројни дисплеи, во кокпитот на „Imagine by Kia“ се поставени дури 21 дисплеи со ултрависока резолуција.

New photo by Automedia MK / Google Photos
New photo by Automedia MK / Google Photos

Kia e-Soul со душа вози на струја

Kia има уште еден Ceed за „посадување“

Kia Stinger е автомобил на годината во Канада

Три модели на Kia со признание за најдобра противвредност во САД

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Lamborghini Aventador SVJ Roadster

Lamborghini Aventador SVJ Roadster побрз од честичките ПМ10

skoda vision iv salon zeneva

Skoda владее на сцената на салонот во Женева