170
22 shares, 170 points

Hyundai ја претстави својата „Стратегија 2025“, којашто предвидува вложување на 46 милијарди евра во мобилноста на иднината, вклучувајќи и план компанијата да стане еден од трите најголеми производители на батерии.

Јужнокорејскиот производител на автомобили Hyundai Motor ги зголемува своите вложувања во идни технологии, вклучувајќи и летечки автомобили. Во планот „Стратегија 2025“ се предвидени вложувања во вкупна висина од 46 милијарди евра. Овие средства се наменети за подрачјата на истражување и развој во следните шест години.

Новиот стратешки план се потпира на два деловни столба – паметни уреди за мобилност и паметни услуги за превоз. Делот на „уреди за мобилност“ меѓу другото предвидува возила за микромобилност и летечки автомобили, како и роботска техника.

Компанијата воедно си постави рок до 2025 година да се избори за место меѓу трите водечки производители на батерии и возила со погон на водород во светски рамки. Целта е годишно да се произведуваат 670.000 електрични возила, вклучувајќи возила со погон само на струја.

Hyundai i30 N со фабрички тјунинг во само 600 примероци


Ти се допаѓа? Сподели со пријателите!

170
22 shares, 170 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *