за

Четириметарски СУВ од Hyundai за САД и Азија

hyundai venue

Hyundai го претстави Venue како најмалечок модел во својата понуда. Уште е неизвесно дали моделот ќе биде достапен и на европскиот пазар. Производството е во Индија.

Hyundai Kona доби братче. Корејскиот производител го претстави Venue на салонот во Њујорк (од 19-ти до 28-ми април), додека паралелно се одвиваше и премиерата на брод, на релација од Мумбај до Гоа во Арабското Море. Тоа е најмалечкиот модел во понудата од возила со теренски аспирации на Hyundai и истиот ќе се произведува во Индија. Почетокот на продажбата е најавен за втората половина од годинава. Автомобилот долг 4,05 метри во почетокот ќе се нуди само во Америка и Азија. Поради очекуваниот голем интерес на европскиот пазар, можно е Venue да се појави и во Европа.

За погонот се грижи 1,6-литарски атмосферски бензинец со 121 КС, во комбинација со шестстепен мануелен менувач или безстепен автоматски менувач. Hyundai веќе најави дека моторот ќе го понуди на одредени пазари и во турбо-изведба, со значително зголемена моќност. На индискиот пазар ќе се нуди и верзија со дизел мотор.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Aston Martin Rapide_E

Електричен Aston Martin се пријавува за конкурент на Porsche Taycan

Ford Mustang

Ford Mustang наврши 55 години