131
59 shares, 131 points

Ентузијастите, или уште подобро, N-тузијастите на спортското возење во марката Hyundai, отсега можат да изберат и СУВ. Hyundai Tucson е достапен во изведба N-Line, којашто презема многу детали од серијата спортски модели под знакот на N на корејската марка. N-Line е шесто ниво на опрема што е достапно во моделското семејство на Tucson, со гени на i30 N и i30 Fastback N.

Како основа за спортската варијанта на Tucson служи нивото на опрема Style, но притоа не се задира во ценовното рамниште на топ-опремата Premium. N-Line е наменето за возачи кои сакаат нивното возило да изгледа, но и да се вози спортски.

New photo by Automedia MK / Google Photos

Напред се забележуваат разлики во браникот, маската и во дифузорот, додека спортската нота назад ја даваат нов кровен спојлер. На тоа следат куќишта на ретровизорите кои се лакирани во црно, посебни бандажи од 19 инчи и задолжителните ознаки N Line. Може да се избира меѓу девет бои на каросеријата.

Зголемените сопирачки дискови покажуваат дека се работи за сериозна спортска изведба

Внатрешноста исто така оддава спортски дух, со кожени седишта со лого N Line и црвени штепови, со лого на рачката на менувачот, алу-педали, црн таван и црни облоги на вратите. Врвот е озвучување Krell, какво што инаку се вградува во нивото на опрема Premium. Зголемените сопирачки дискови сведочат дека станува збор за сериозна спортска преработка.

New photo by Automedia MK / Google Photos

Од моторите може да се избира меѓу 1.6 T-GDI со 177 КС и 2.0 CRDi со 185 КС. Посебност на дизелот: Тој е изведен како благ-хибрид, со стартер-алтернатор и 48-волтна мрежа. Според Hyundai, заштедата во гориво изнесува до 7 проценти според новата норма.

Три месеци чекање за Tesla, година за електричен Hyundai

Hyundai во Германија со 5.000 евра попуст при замена на стар дизел


Ти се допаѓа? Сподели со пријателите!

131
59 shares, 131 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *