Дарко Јаконов
Од почетокот на годинава Hyundai е нова марка во портфолиото на Ми-Да Гранд Моторс. Салонот е полн, обезбеден е парк со демо возила, сервисот функционира, вебсајтот информира, сето тоа јавноста го поздрави на свеченото отворање на новиот салон, веднаш до салонот на Ford.
Сите активности поврзани со марката Hyundai на македонскиот пазар, од 1-ви јануари 2020 година се во надлежност на новиот импортер Ми-Да Гранд Моторс. Вчера со пригодна свеченост беше отворен новиот салон на Hyundai, во рамките на центарот што автомобилската компанија со долга традиција го отвори летоска на улица Босна и Херцеговина бр. 1. Во центарот се наоѓа и овластениот сервис за корејската марка.
Како што во својот говор посочи генералниот директор на Ми-Да Гранд Моторс, Дритон Заири, компанијата станува сериозен автомобилски центар каде може да се купат возила од брендовите Ford и Hyundai, како и да се набават користени возила од сите брендови што се продаваат под балканскиот бренд Аутото.
„Навистина сме горди што во нашиот автомобилски центар отсега ќе можеме да ги нудиме возилата од брендот Hyundai. Тоа зборува за сериозноста на Ми-Да Гранд Моторс да биде прва на балканскиот пазар и за нашиот сериозен пристап кон работењето со светски брендови. Ова ја покажува и нашата сериозност да понудиме квалитетен сервис за нашите клиенти, да понудиме врвна услуга и да создадеме задоволни клиенти. Ги повикуваме граѓаните да создадат ново искуство во автомобилскиот свет“, рече Заири пред присутните гости на отворањето на новиот продажно-сервисен центар за Hyundai .
Тоа што посебно го нагласуваат во новиот увозник на Hyundai, во интерес на заштита на сопствениците на возило од марката и со оглед на долгиот гаранциски период, е сервисирањето на возилата да се врши во новиот сервисен центар за марката во рамките на центарот на Ми-Да Гранд Моторс.
Ми-Да Гранд Моторс го презема и сервисирањето на возилата Hyundai што се во гарантен рок, сопствениците на овие возила треба да бидат внимателни околу кампањата што претходниот увозник ја води на социјалните мрежи
Вообичаено за македонските услови на бизнис делување, претходниот увозник ги користи социјалните мрежи и пласира извесни дезинформации, веројатно со цел да го „поздрави“ новото импортерство на Ми-Да. Во следното нема простор за двоумење: Сопствениците на автомобил Hyundai што е под гаранциски период, отсега сервисирањето на возилото треба да го препуштат на новиот сервис за марката во рамките на Ми-Да, затоа што производителот во спротивно нема да ја признае гаранцијата, односно барањето за остварување на правото за гаранција.
Демо-возилата се подготвени во Ми-Да, персоналот на Hyundai со задоволство ќе излезе во пресрет на барањата за пробно возење.
Во меѓувреме е пуштен и новиот вебсајт www.hyundai-mk.mk
Понудата ја сочинуваат следниве модели, ги наведуваме цените на основните моделски изведби, со вклучен нов данок за возила кој важи од 1-ви јануари:
Hyundai i20 1.2 Comfort, мотор 1,2 л. 84 КС, 11.900 евра
Hyundai i30 1.4 Comfort, мотор 1,4 л, 100 КС, 14.900 евра
Hyundai i30 1.4 Wagon Comfort, мотор 1,4 л, 100 КС, 15.400 евра
Hyundai Elantra 1.6 GL Comfort, мотор 1,6 л, 127 КС, 15.200 евра
Hyundai Kona 1.0 T-GDI Base, мотор 1,0 л, 120 КС, 15.890 евра
Hyundai Kona 1.6 T-GDI Style, мотор 1,6 л, 177 КС, менувач 7DCT, 19.890 евра
Hyundai Kona 1.6 CRDI Style, мотор 1,6 л, 115 КС, 19.390 евра
Hyundai Kona 1.6 CRDI Style, мотор 1,6 л, 136 КС, менувач 7DCT, 20.690 евра
Hyundai Tucson 1.6 GDI Style 2WD, мотор 1,6 л, 132 КС, 18.900 евра
Hyundai Tucson 1.6 T-GDI Premium, мотор 1,6 л, 177 КС, 24.200 евра
Hyundai Tucson 1.6 CRDi Style 2WD, мотор 1,6 л, 115 КС, 22.200 евра
Hyundai Tucson 2.0 CRDi Premium 4WD, мотор 2,0 л, 185 КС, 28.200 евра
Hyundai Santa Fe 2.0 CRDi Premium 4WD, мотор 2,0 л, 185 КС, 41.500 evra
https://www.instagram.com/p/B7Y4fSMhTgK/
