Новиот Hyundai i10 првпат ќе се појави пред светот на салонот во Франкфурт. Соодветно на целната група, главно внимание е посветено на поврзувањето со мобилниот телефон.
Третата генерација на Hyundai i10 ќе има светска премиера на салонот ИАА во Франкфурт. Според корејскиот производител, моделот најмногу заслужува внимание со динамичниот изглед, со поврзувањето со преносни уреди и со безбедносната опрема.
Исто како претходникот, новиот i10 е развиен и дизајниран во Европа, и ќе се произедува тука. Каросеријата има различни пропорции од порано, поради покривот што е понизок за 20 милиметри и ширината што порасна за исто толку. Пречникот на бандажите досега до 16 инчи. За малечок автомобил е примерен коефициентот на отпор на воздух 0,31.
Повпечатливи детали во кокпитот се светлите површини кои преоѓаат од арматурната табла во вратите и на тој начин прават кабината да изгледа пошироко. Меѓуоскиното растојание порасна, а со тоа може да се очекува и повеќе простор внатре. За чувството на просторност ќе помогне и тоа што работ на предните прозорци е за 11 mm пониско (13 mm назад). Зафатнината на багажникот од 252 литри е вообичаена во класата. Со доплата може да се нарача и камера за рикверц.
Димензии · Hyundai i10
Должина (mm) |
3.670 |
Ширина (mm) |
1.680 |
Висина (mm) |
1.480 |
Меѓускино раст. (mm) |
2.425 |
Багажник (L) |
252 |
Младите купувачи најмногу ќе ги интересира поврзувањето и користењето на мопбилните апликации. Средишниот дисплеј од 8 инчи е најголем во класата. Системот подржува Apple CarPlay и Android Auto. Телефонот може да се полни и безжично, во поопремените нивоа.
Под хаубата ќе работи 1,0-литарски трицилиндарец со 67 КС и 96 Nm вртежен момент, или 1,2-литарски четирицилиндарец со 84 КС и 118 Nm. Освен со петстепен мануелен менувач, двата мотори може да се испорачаат и со роботизиран петстепен менувач.
Старт-стоп е сериски, а посебно се нуди и изведба со пакет Eco. Оваа варијанта на новиот Hyundai i10 има подолг пренос и бандажи од 14 инчи.