158
55 shares, 158 points

Автомобилската сцена го очекува електричниот автомобил на Honda, кој предизвикува голем интерес уште откако беше најавен преку концептот Urban EV пред година и пол. Во Женева ќе биде прикажана конечната изведба, Honda однапред го открива изгледот на кокпитот

Во следниот месец, на салонот во Женева се очекува првото појавување на конечната изведба на електричниот градски автомобил на Honda. Иако јапонската марка уште нема објавено ниту еден детал околу погонската техника или досегот, сцената буквално го обожува автомобилот. На салонот во Франкфурт, во есента 2017 година, Honda го прикажа концептот Urban EV, кој привлече внимание со ретро стилот, во комбинација со врати што се отвораат наназад и техно кокпит, со дисплеј по целата должина, поставен врз дрвен панел.

Ретро изгледот веројатно ќе се задржи, додека вратите што се отвораат наназад дефинитивно се напуштаат. Прототипот за салонот во Женева пристига со пет врати. Единствената неизвеност останува опколу тоа, дали можеби задните врати ќе се отвораат наназад? Верно на значењето на зборот „прототип“, сериската изведба на Urban EV ќе се разликува само минимално од тоа што Јапонците ќе го прикажат во халите покрај Лак Леман.

Комбинација од природни материјали и современа технологија во кокпитот на електричната Honda

Honda објави детална фотографија од арматурната табла на градското мини на батерија, коешто ќе стартува со испорака веројатно во почетокот на следната година. Дисплеј по целата должина, како во концептниот автомобил, би бил прескап за изработка, па „инженерите за скусување трошоци“ користат три дисплеи. Останува идејата за користење дрвена плоча како основа за „инструментите“.

Од тоа што се забележува на дисплеите, идната Honda Urban EV ќе располага со личен асистент, односно со систем за користење онлајн услуги, секако ќе поседува и напредни можности за поврзување со телефон, како и погодности од типот на програмирана климатизација на кабината пред возачот или возачката да седне зад воланот.

Така првично изгледаше кокпитот при премиерата на Honda Urban EV во Франкфурт во 2017 година
New photo by Automedia MK / Google Photos

Не отсуствуваат и системи за асистенција, меѓу кои радарски темпомат со старт-стоп функција за самостојно возење во колона, што секако е вистински благодат во градски метеж. Обрачот на воланот се грее, додека систем од камери го прикажува возилото од горна перспектива при паркирање.

Камерите во замена за ретровизорите дефинитивно остануваат, можно е да се нудат како опција во серискиот модел

Во овој систем би требало да бидат вклучени и камерите кои ги заменуваат ретровизорите. Во краевите на арматурната табла се забележуваат уште два дисплеја, кои на фабричката фотографија остануваат темни, но не е мајсторија да се претпостави дека на нив ќе се прикажува сликата од камерите. Можно е дека тие ќе стојат на располагање како опција.

Командите за климата се класични, сместени во посебно поле под „главните“ дисплеи. Зад воланот се забележуваат и рачки, со кои веројатно ќе се избира степенот на рекуперација, односно силината на сопирањето при отпуштање на педалот за забрзување.

Премиерата на прототипот на Honda Urban EV е закажана за 5-ти март, во Женева.

Honda го потврди електричниот автомобил за салонот во Женева

Honda разви теренско возило без возач

Honda HR-V добива спортска изведба со 182 КС

По хибриден погон отсега и во Honda


Ти се допаѓа? Сподели со пријателите!

158
55 shares, 158 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format