138
19 shares, 138 points

Honda има голема најава за салонот во Женева (од 5-ти до 15-ти март). До 2022 година, најпродаваните моделски серии на јапонската марка ќе бидат достапни во хибридна или чисто електрична изведба.

Последен пример за големото ветување што го дава Honda е новата генерација на Honda Jazz, којашто ќе биде достапна само со хибриден погон. На швајцарскиот салон ќе биде претставена и нова моделска изведба во гамата на градскиот автомобил. Jazz Crosstar е изведен како кросовер, со неколку каросериски додатоци во стил на теренец и со зголемено растојание од подлогата.

Кросоверот во гамата на Honda Jazz поседува и неколку стилски детали во внатрешноста, седишта обложени со водоотпорно платно и држачи за кровен багажник. Надворешноста на Jazz Crosstar се разликува уште по повпечатливата маска и бандажите со посебен дизајн за моделот.

Настапот на Honda на салонот покрај Лак Леман ќе ја комплетира освежената гама на Civic, којшто премиерно ќе се појави во изведбата Sport Line, по пример на некогашната Type S, како и во ексклузивната верзија Limited Edition.


Ти се допаѓа? Сподели со пријателите!

138
19 shares, 138 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *