159
21 shares, 159 points

Публиката на прочуениот Фестивал на Брзината во Гудвуд ќе има можност првпат да ја види електричната Honda во возење. Според производителот, двата прототипи што ќе се појават на настанот во Британија одговараат 95% со сериската изведба на моделот.

Фестивалот на Брзината во Гудвуд е важен настан за новиот електричен автомобил на Honda, означен едноставно како Honda e. Два прототипи од идниот модел на струја се испраќаат за оваа позната манифестација во Британија. Едниот ќе послужи за статичко претставување, а вториот примерок ќе учествува на ридската трка, којашто е суштински дел од Фестивалот.

Настанот годинава се одржува меѓу 4-ти и 7-ми јули. Honda го најави својот електричен автомобил по неполн месец откако потврди дека камерите во замена за ретровизори ќе бидат во сериската опрема на овој историски важен модел за марката, но и за самиот пазар.

New photo by Automedia MK / Google Photos

Премиерата ќе се случи неколку месеци подоцна, иако Honda досега не посочила дека тоа би се случило на салонот во Франкфурт, како најважна манифестација од овој тип годинава. Прототипот кој имаше премиера во Женева годинава, според Honda одговара 95% со серискиот модел.

Заедно со Honda е, на Фестивалот во Гудвуд ќе се појави и новото моделско годиште на суперспортскиот Honda NSX, кој користи комбинација од три електромотори во хибридната погонска спрега.

Камери место ретровизори како стандард кај електричната Honda

Електричната Honda стартува со резервации во четири европски земји

Џенсон Батон постави уште рекорд со Honda Civic Type R

Името на електричниот автомобил на Honda e…


Ти се допаѓа? Сподели со пријателите!

159
21 shares, 159 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *