Honda го објави почетокот на резервациите за градскиот електричен автомобил Honda e во четири европски држави: Велика Британија, Германија, Франција и Норвешка. Купувачите што ќе се пријават на посебната веб-страница добиваат предимство когаподоцна ќе треба да ја потврдат нарачката за возилото. Повратната резервација чини 800 евра, а првите испораки ќе бидат во следната пролет.
Досега повеќе од 25.000 потенцијални купувачи ширум Европа искажаа интерес за Honda e
Прототипот на Honda e имаше премиера на салонот во Женева во март годинава. Тоа е вообичаен манир на јапонската марка, пред прикажувањето на конечната, сериска изведба на своите модели. Публиката и експертите го поздравија тоа што голем дел од функциите кај концептниот Honda Urban EV од 2017 година се задржуваат и во серискиот модел. Тоа особено важи за арматурната табла, за камерите место ретровизори, но најмногу за дизајнот што поседува привлечна ретро-нишка.
Сите моделски серии на Honda ќе вклучуваат изведба со електрифицирана погонска спрега до 2025 година, било да станува збор за целосно електричен погон или за хибридна верзија. Honda е ветува и возачко уживање, затоа што погонот е на задните тркала, а марката што има долга и успешна традиција во мотоспортот нагласува дека погонот ќе постигнува висока моќност. Батеријата ќе испорачува енергија за повеќе од 200 километри, а техниката ќе дозволува користење брзи полначи, на кои 80% наполнетост ќе се постигнува за половина час.
Името на електричниот автомобил на Honda e…
Honda E каква што сцената уште одамна ја обожува
Електричната Honda со дрвена табла и три џиновски дисплеи
Honda го потврди електричниот автомобил за салонот во Женева