154
22 shares, 154 points

Во актуелниот поход за поставување рекорди по најпознатите и најпредизвикувачките тркачки патеки во Европа, Honda Civic Type R го мина и Силверстоун – со трет рекорд во низа

Рекордите на Спа Франкоршамп и Мањикур веќе паднаа, третата патека за напад во низата беше Силверстоун. Honda Civic Type R постави нов рекорд и на прочуената патека во Велика Британија, како најбрз сериски автомобил со преден погон, со време од 2 минути и 31,32 секунди. Досегашниот рекордер: Honda Civic Type R, но од претходната генерација, кој го извозе своето најдобро време во 2016 година.

Зад воланот беше трикратниот шампион во британската туристичка класа Мет Нил, кој моментно се трка со Type R за Halfords Yuasa Racing. Патеката во Силверстоун е долга 5,89 метри и се одликува со брзи правци и исто така брзи свијоци, вклучувајќи неколку делови коишто бараат посебна техника за совладување.

Токму високите брзини на патеката посебно му одговараат на Civic Type R, затоа што доаѓа до израз неговата аеродинамичност. Класичарот меѓу брзите компакти има најдобар сооднос меѓу потисокот и струењето под возилото коешто ја крева каросеријата. Секако дека од помош се и приспособливите амортизери, со прочуениот модус +R.

Honda Civic Type R Challenge 2018 Silverstone Neal 2

Мет Нил го опишува искуството при поставувањето на новиот рекорд: „Најголемата предност на Type R беше токму во брзите свијоци. Во нив се влегува со голема брзина, но и со голема доверба во возилото.“

Возачката постава за остатокот на Type R Challenge 2018 ја сочинуваат Џенсон Батон, поранешен шампион во Ф1 и актуелен возач во NSX Super GT, како и Тиаго Монтеиро, возач во WTCR.

Најдоброто време на Силверстоун всушност е четврти рекорд на патека што го поставува новиот Honda Civic Type R. Во април лани, претсериски примерок постави најдобро време за автомобил со преден погон на Нирбургринг, со 7 минути и 43,8 секунди. Потоа стартуваше актуелниот Type R Challenge 2018, со возачот во WTCR, Естебан Гуериери, кој ја извозе француската патека Мањикур за 2 минути 1,51 секунда, по што следеше и рекордот на Бертран Багет, со време од 2 минути и 53,72 секунди на Спа Франкоршамп во Белгија.


Ти се допаѓа? Сподели со пријателите!

154
22 shares, 154 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743