Дарко Јаконов
Деновиве меѓу фановите на Honda Civic Type R се раскажува вицот кој гласи вака: GTI! Стандардите за моќност меѓу компактите веќе одамна достигнаа вредности како на Ferrari од пред дваесетина години. А, моќноста дејствува
Во петтиот и последен лов на рекорди што беше планиран за годинашнава сезона, Honda Civic Type R повторно брилјираше. Новото најдобро време за автомобили со преден погон на патеката Хунгароринг изнесува 2:10,19 минути. И возачот има искуство во борбата со десетинките и илјадинките. Зад воланот на Type R беше Џенсон Батон, поранешен шампион во формула 1 и актуелен возач на NSX Super GT.
Подвигот со Honda Civic Type R на Хингароринг е од посебно значење за Џенсон, кој тука ја постигна првата ГП-победа во 2006 година – со Honda
Хунгароринг е долга 4,38 километри и специфична е по свијоците под 180 степени, жаргонски „шнола“, како и по сложените шикани. Возачите кажуваат дека за оваа патека е потребна посебна техника на возење. За Honda, Хунгароринг е патеката кадешто има голем ефект од приспособливите амортизери на Honda Civic Type R.
Џенсон го опишува искуството со поставувањето на рекордот: „Првото што го забележав по излегувањето од боксовите беше неутралноста на автомобилот. Доаѓам од средина во којашто предниот погон не е толку застапен, така што ме изненади балансираноста на Type R и можноста уште од истиот момент да уживам во возењето.“
Шампионот бил изненаден и од тоа колку доцна може да се сопира пред свијок. Тој даде добра критика и за мануелниот менувач. „Повеќето денешни автомобили немаат мануелен менувач. Тука се чувствува поголема поврзаност со автомобилот.“
Honda практично го подобри својот рекорд на Хунгароринг од 2006 година, кога беше изведена слична серија со претходниот Type R. Ова е петтиот рекорд во серијата што Honda ја води како „The Type R Challenge 2018“ и којашто стартуваше лани во април, кога Type R постави рекорд на Нирбургринг, со 7:43,8 минути.
Honda Civic Type R со серијата рекорди ја зацементираше својата позиција на најбрз автомобил меѓу лутите компакти
Прв во серијата беше рекордот на Тиаго Монтеиро, возач во WTCR, со 2:01,84 на Есторил, Португалија. Следен беше Мет Нил, возач во BTCC, со време од 2:31,32 на Силверстоун, Велика Британија. Бертран Багет, од јапонскиот Супер ГТ, имаше време од 2:53,72 на Спа Франкоршамп, Белгија. Четвртиот рекорд во серијата падна на Мањикур, Франција, со време од 2:01,51 минути, извозено од Естебан Гуерери, возач во WTCR.
[FAG id=34593]
