за

Honda со нов теренец за јужноамериканскиот пазар

Бразилскиот огранок на Honda објави цртежи од новиот теренец WR-V, кој ќе има премиера на салонот во Бразил во средината на ноември. Компактниот модел е трет во низата теренци со кои Honda поаѓа во освојување на глобалниот пазар, по HR-V и CR-V.

Раководејќи се според барањата на купувачите во Јужна Америка, развојното одделение во бразилскиот огранок на Honda го конципира WR-V како возило што соединува дизајнерски елементи на урбан теренец и практичност во каросерија со големина на компактната класа.

WR-V стои за Winsome Runabout Vehicle или „скитник со неодолив карактер“

Новиот WR-V ќе се продава на пазарот во Бразил и во повеќето земји во Јужна Америка. Малечкиот теренец е трет во низата нови модели, по CR-V и HR-V, со коишто Honda ја проширува својата понуда во сегментот што наидува на растечки интерес и на јужноамериканските пазари.

Honda WR-V ќе биде претставена на салонот на автомобили во Сао Пауло, со почеток на 10-ти ноември. Засега не е планирано моделот да се продава во Европа.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Aston Martin DB5 е прв олдтајмер продаден преку социјални медиуми

Honda е најбрзо растечка марка на европскиот пазар