184
31 shares, 184 points

Сообраќајната полиција во минатата година им пишувала на холандските возачи во просек по 200 казни за телефонирање секој ден. Во меѓувреме, полицијата се жали дека нема доволно службеници. Се размислува за воведување камери

Холандскиот регистар на казни, за минатата година наплатил близу 75.000 казни за користење мобилен телефон при возење. Вкупната парична вредност на наплатените казни изнесува 17 милиони евра. Тоа е зголемување за една четвртина во споредба со 2016 година. Значајно зголемување во бројот на казни за телефонирање при возење автомобил било регистрирано и во годината порано.

Во просек, холандските сообраќајци лани пишувале по двесте казни секој ден. Моментно се размислува дали во иднина да се воведе систем од камери што ќе го регистрираат користењето мобилен телефон зад воланот.

Од следната година казни за телефонирање и за велосипедисти и мотоциклисти

Во министерството за правда во земјата се планира воведување целосна забрана за користење мобилен телефон за сите учесници во сообраќајот, вклучувајќи ги и мотоциклистите и велосипедистите. Забраната би стапила на сила веќе на 1-ви јули следната година.

казни за телефонирање при возење

Полициските синдикати реагираа на тоа и посочуваат дека уште во моментов не располагаат со доволно полициски службеници, кои ќе ги извршуваат сите дополнителни задачи што Хаг ѝ ги додели на националната полиција во последните неколку години.


Ти се допаѓа? Сподели со пријателите!

184
31 shares, 184 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *