172
22 shares, 172 points

Пазарот беше погоден различно од последиците од корона-кризата. Додека целиот автомобилски пазар во Европа е во пад за околу една третина во првиот квартал од годинава, кај електричните и хибридните возила дури има значителен раст во продажбата. Јасен губитник е дизелот, таму трендот е удолу.

Во првиот квартал од годинава, продажбата на автомобили со дизел мотор во ЕУ се намалил за 32,6 проценти, со вкупно 738.392 примероци. Уделот на дизелот во вкупната продажба на возила сега изнесува 29,9 проценти (наспроти 33,2% во првиот квартал лани). Дизелот е во пад на сите пазари во Унијата, особено на четирите најголеми пазари за автомобили: Италија (-49.8%), Франција (-36.6%), Шпанија (-33.8%) и Германија (-23.0%).

Истовремено се намали и продажбата на бензинци, како резултат од затворањето на салоните во повеќето земји во ЕУ, како и мерките за ограничено движење. Нивната продажба има пад од 33,2 проценти, од близу два милиони автомобили во првото тромесечје лани, на 1,3 милиони возила годинава. Со исклучок на Кипад и Литванија, сите пазари во ЕУ се соочуваат со двоцифрено намалување на продажбата.

Сосем различна приказна кај хибридите и електричните

Сосем е различна ситуацијата кај возилата со електричен погон. Тие постигнале двојно зголемување на продажбата (+100.7%), со вкупно 167.132 возила во ЕУ. Во двете категории на електричен погон има раст. Кај возилата со погон само на струја има раст од 68,4%, додека кај плагин-хибридите има зголемување од дури 161,7 проценти.

Чисто хибридните возила и натаму се бестселери во овој пазарен сегмент. Нивниот удел изнесува 9,4 проценти од вкупниот пазар во ЕУ во првиот квартал. Вкупно биле регистрирани 232.525 возила или за +45.1% повеќе во споредба со лани.

Четирите најголеми пазари во Унијата забележиле зголемување во регистрациите на возила со алтернативен погон до март. Германија и Франција се издвојуваат, со раст во овој сегмент од 74,9% односно 71,7% проценти соодветно, кој се должи главно на зголемената продажба на плагин-хибридните возила.

Топ 5 пазари за хибридни возила

(во ЕУ, ЕФТА и Велика Британија; Прв квартал 2020)

  2020 %
В. Британија 68,211 67.4
Германија 63,121 55.2
Италија 34,717 27.2
Франција 30,114 31.0
Шпанија 29,417 31.2
ЕУ + ЕФТА + ВБ 310,308 49.0
ЕУ 232,525 45.1

Топ 5 пазари за електрични возила

(само погон на батерија; Во ЕУ, ЕФТА и Велика Британија; Прв квартал 2020)

  2020 %
Германија 26,030 63.3
Франција 25,960 145.6
Велика Британија 18,256 204.4
Норвешка 16,347 -12.4
Холандија 8,699 0.8
ЕУ + ЕФТА + ВБ 130,297 58.2
ЕУ 91,756 68.4

Топ 5 пазари за плагин-хибридни возила

(во ЕУ, ЕФТА и Велика Британија; Прв квартал 2020)

  2020 %
Германија 26,419 257.9
Велика Британија 13,662 59.2
Шведска 12,835 123.4
Франција 9,423 139.5
Норвешка 6,221 31.0
ЕУ + ЕФТА + ВБ 97,913 126.5
ЕУ 75,376 161.7

Кина поставува полначи за струја за стопанството да заживее

Кина поставува полначи за струја за стопанството да заживее


Ти се допаѓа? Сподели со пријателите!

172
22 shares, 172 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *