за

Хибридите со +17% во јуни, дизелите одвај со третина учество

Хибридите со +17% во јуни, дизелите одвај со третина учество
Хибридите со +17% во јуни, дизелите одвај со третина учество

Европскиот автомобилски пазар се смени и допрва ќе се менува. Хибридите и натаму се најпродавани возила со електрифицирана погонска спрега, со двојно повисока продажба во споредба со „електричарите“. Но, овие напредуваат вртоглаво. Дизелот дефинитивно исчезнува.

Продажбата на автомобили на европскиот пазар во јуни постигна 1,49 милион возила. Аналитичарите го објаснуваат падот од близу осум проценти во споредба со истиот месец лани со колебањето на широк круг купувачи, кои досега традиционално избираа модели со дизел мотор, на кого што Европа му го сврте грбот.

Кризата за дизелот се покажува најдобро во Скандинавија, кадешто електричните автомобили за првпат се продадоа во поголем број од возилата со дизел мотор. Во бројки, четирите скандинавски пазари регистрирале 52% помалку дизели во јуни, односно вкупно 20.092 возила.

Уделот на дизелот на европскиот пазар во јуни изнесува само 31 проценти. Тоа е нзмалување за 21% во споредба со истиот месец лани, додека во исто време електричните напредувале за 20%. Возилата со погон само на батерија сепак се далеку од тоа да станат доминантна погонска спрега во делот на автомобили со алтернативен погон.

Toyota и нејзината премиум марка Lexus покриваат 72% од вкупната продажба на хибридни возила

Таму е јасна доминацијата. Хибридите во јуни забележале продажба од 62.400 возила на 22 најголеми пазари во Европа. Наспроти тоа, електричарите имаат 33.800 продажби. Кај плагин-хибридите веќе има јасни знаци дека купувачите повеќе ги ценат класичните хибриди или „батериските“ возила. Со само 12.600 продадени автомобили, плагин хибридите во јуни имале пад од 39 проценти.

Во статистиката уште не се појавуваат моделите со таканаречен благ хибриден погон, коишто користат стартер-генератор и го постигнуваат главниот ефект во градски услови на возење. Повеќе држави во Европа ги привилегираат и тие возила, имајќи го предвид нивното позитивно влијание врз зачувувањето на квалитетот на воздухот во градските средини, со пониски трошоци при регистрација, ослободување од акциза и други поволности.

Топ 5 Најпродавани хибриди во Европа во јуни

Toyota Corolla

Вкупно хибридни возила

62.400 (+17%)

Toyota Corolla

13.083

Toyota RAV4

8.772

Toyota C-HR

8.678

Toyota Yaris

7.613

Hyundai Ioniq

3.139

Топ 5 Најпродавани плагин хибриди во Европа во јуни

mitsubishi outlander phev istrazuvanje

Вкупно плагин хибридни возила

12.600 (-39%)

Mitsubishi Outlander

3.528

Mini Countryman

1.109

Kia Niro

1.010

BMW 2 Active Tourer

922

Mercedes E-Class

811

Топ 5 Најпродавани електрични автомобили во Европа во јуни

Tesla Model 3 poevtina izvedba

Вкупно електрични автомобили

33.800 (+104%)

Tesla Model 3

11.256

Renault Zoe

4.795

BMW i3

2.478

VW e-Golf

2.294

Nissan Leaf

2.243

Тест: Toyota Corolla 1.8 Hybrid Executive Plus

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Повеќе почначи за струја од станици за гориво: Британија под напон

Повеќе полначи за струја од станици за гориво: Британија под напон

Opel-Corsa-VI

Opel со три премиери на салонот во Франкфурт