165
21 shares, 165 points

Култната марка мотоцикли Harley Davidson планира да произведува помали модели на мотоцикли за азискиот пазар, во соработка со кинеската фирма Qianjiang. Тоа нема да му се допадне на американскиот претседател Трамп.

Американскиот производител на мотоцикли Harley Davidson започнува партнерство со компанија во Кина и покрај острите критики од претседателот Трамп. Традиционалната марка најави дека ќе произведува помали модели на мотоцикли за азискиот пазар, во соработка со компанијата Qianjiang.

Веста нема да го израдува американскиот претседател Трамп, кој повеќепати досега му се закануваше на Harley-Davidson, поради плановите за преселба на дел од производството надвор од САД. Трамп ги подржуваше и неколкуте повици на бојкот на своите подржувачи, против фирмата од Милвоки, со традиција стара 116 години.

Опаѓа продажбата на Harley-Davidson на домашниот пазар

Harley-Davidson веќе има доволно проблеми. Покрај тоа што трпи штети од царинската политика на Трамп, компанијата се соочува и со пад во продажбата, особено на домашниот пазар. Најголемиот проблем е во тоа што помладите генерации не се интересираат за мотоциклите на Harley-Davidson, додека во исто време расте старосниот просек на матичната клиентела.


Ти се допаѓа? Сподели со пријателите!

165
21 shares, 165 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *