159
21 shares, 159 points

Гумите во иднина веројатно ќе имаат форма на топка. Така барем изгледа иднината според Goodyear. Но, не е се во формата. Топчестата гума размислува, чувствува, самостојно интервенира и се менува. Концептната гума Goodyear Eagle поседува вештачка интелигенција и газечка површина што се менува според условите на возење.

Од Goodyear пристига нова концептна гума со име „Eagle 360 Urban“. Тоа е првата топчеста гума од Goodyear со вештачка интелигенција, којашто е во состојба да чувствува, да интервенира и да се приспособува на условите на возење. Покрај тоа, гумата на иднината се произведува со технологија на тридимензионално печатење.

Според производителот, новата технологија за гуми ќе одигра важна улога во иднината во којашто автомобилите управуваат самостојно и се поврзани во мрежата. За безбедно да се справуваат со сообраќајот, автономните возила мора да добиваат дополнителни информации. Тие ќе пристигаат директно од допирната површина на гумата со подлогата.

Goodyear Eagle 360 Urban е усовршување на концептот на топчеста гума што беше прикажан лани и импресионираше со способноста за маневрирање во сите правци. Тоа ја подобрува безбедноста, а во исто време и комфорот во возењето. Сензација беше и можноста возилото да паркира попречно, во еден потег.

Топчестата гума собира информации, ги обработува и самостојно ги спроведува

Иновативната гума сега доби и мозок. Информаците што се добиваат преку бионичката обвивка и приспособливата газечка површина, Eagle 360 Urban директно ги спроведува на дело. Гумата на тој начин станува составен дел од еден вид нервен систем, којшто го управува автомобилот на иднината и разменува информации преку интернет.

Goodyear Eagle 360 Urban 00001

Гумата добива податоци од останатите возила, од патната инфраструктура и од системите за управување со сообраќајот, ги спојува овие информации и ги обработува, притоа користејќи алгоритми што самостојно ги приспособува, односно гумата учи, стекнува искуство. Последново служи за навремена и точна реакција при следната ситуација со истите услови.

Една гума за сите сезони, буквално

Бионичката обвивка е изработена од еластични полимери, со флексибилност слична на човечката кожа. Под неа се наоѓа сунѓерест слој, којшто ја задржува флексибилноста под тежината на возилото. Под обвивката се наоѓаат погонски елементи што функционираат како мускули и се движат под дејство на електричните импулси од одделните сензори во газечката површина – чијшто дизајн исто така се менува. Кога подлогата е мокра, газечката површина добива профил, односно се измазнува кога подлогата е сува. На тој начин, Eagle 360 Urban се приспособува на временските услови. Нема повеќе потреба од зимски или летни гуми, ова е вистинската гума за сите сезони. Во исто време, информациите од гумата се пренесуваат преку интернет до останатите возила.

Кога ќе се оштети обвивката на гумата, сензорите во површината го локализираат оштетувањето и едноставно го коригираат ротирањето на гумата. Со тоа се намалува притисокот на оштетеното место и гумата може да започне со процесот на „заздравување“. Материјалите што се потребни за тоа автоматски се придвижуваат кон оштетувањето. Овие материјали реагираат физички и хемиски и создаваат нова молекуларна врска, којашто го затвора оштетувањето.

Goodyear побара студентите на француската школа за дизајн Isd Rubika да развијат концептен автомобил специјално за Eagle 360 Urban. Од тоа произлезе визионерскиот Umod, којшто е приспособен за градовите во иднината.


Ти се допаѓа? Сподели со пријателите!

159
21 shares, 159 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743