134
18 shares, 134 points

Кога Volkswagen пред 45 години го претстави првиот Golf GTI на салонот во Франкфурт, малкумина можеа да претпостават дека комбинацијата од трите букви ќе постигне толку големо влијание на автомобилската сцена. GTI денес е синоним за спортски компакт, но се однесува првенствено на еден модел, на Golf GTI. Кусо по стартот на испораката на Golf 8 следи и новата генерација на GTI, којашто ќе ја има својата премиера на салонот во Женева (од 5-ти до 15-ти март).

Волфсбург го најавува новиот модел како оригинален, интелигентен и суверен спортски автомобил од дигиталната ера. GTI ги издржа сите години досега, затоа што не се смени. Дизајнот само во детали се разликуваше од основниот модел, подвозјето секогаш беше дотерано вешто, бензинецот секогаш сакаше високи вртежи, а традиционалистите секогаш ги наоѓаа малите, но значајни детали во стилот, како црвената лента во маската или каро-комбинацијата на седиштата.

Колку што Golf GTI остануваше верен на традицијата, толку дозволуваше и иновации. Volkswagen објави само една фотографија со изгледот на предниот дел и остава неизвесноста околу новиот модел да трае сé до премиерата во Женева. По пример на матичниот модел, GTI ќе биде дигитализиран, вмрежен и со пристап до бројни нови услуги, задолжително со по некој нов или усовршен систем за асистенција.

Под дигитализација се подразбира поддршката за комуникација со останатите возила по пат на Car2X, за размена на информации за опасност на патот, наидување кон застој и слично, со цел безбедноста да се подигне на следното ниво. Благодарение на Travel Assist, новиот GTI може полуавтономно да управува до брзина од 210 километри на час – што значи да подзапре ако напред има побавен автомобил, да го следи свијокот на автопат и самостојно да запира и поаѓа во случај на застој на патот.

Опција за светлечка лента по целата ширина на каросеријата, како придружба на фамозната црвена лента што е заштитен знак на Golf GTI

Инструментите и главните функции во кокпитот ќе бидат комплетно дигитализирани. На фамозната црвена лента во маската, сега ѝ се придружува светлечка диодна лента по целата должина на маската. Тоа ќе биде достапно како опција.

Околу моќноста на турбо-бензинецот, Волфсбург остава простор за шпекулации и наведува дека таа „ќе ги надмине очекувањата“. На сцената веќе одамна се шпекулира со вредност од 245 КС, односно исто колку што поседува и Performance-изведбата на GTI VII. Истото се однесува и на подвозјето, за коешто ќе биде достапна и нова генерација на приспособливата аморизација DCC.

Заедно со GTI ќе има премиера и дизел-варијантата GTD, со зголемена моќност во споредба со претходникот и со двојно впрскување на Адблу, заради натамошно намалување на емисијата на азотни оксиди.

View this post on Instagram

First details of the new Golf 8 GTD❗️🤩🔥 Volkswagen will celebrate the world premiere of the Golf GTD at the Geneva International Motor Show (March 5 to 15). The technical highlights include the most powerful and – thanks to twindosing – the cleanest turbo diesel engine (TDI) ever used in a Golf. It harmonises the sovereign dynamic of the Golf GTD with high efficiency and lowest emissions. The charismatic design of the Golf GTD reflects the unique combination of dynamism and sovereignty. The top diesel version based on the new, eighth generation of the Golf will carry the long “GTD” tradition into the future: In 1982 Volkswagen presented the first Golf GTD. Back then, with its turbodiesel and similar sporty features as the Golf GTI I, it gave new impetus to the compact class. Nothing has changed in this dynamic concept even after almost four decades: With the Golf GTD, Volkswagen will again launch one of the most economical and sporty compact models on the market. A significant increase in performance is offset by the lowest emissions: the efficiency of the Performance TDI has been significantly optimized and CO2 emissions have been further reduced; At the same time, the response behavior was improved. Thanks to a new twindosing SCR system with double AdBlue injection, nitrogen oxide emissions are reduced enormously compared to the predecessor. The TDI of the new Golf GTD is one of the cleanest internal combustion engines in the world. The four-cylinder is started by a pulsating button in the fully digitized cockpit – it is the pulse of a new era❗️😎👌🏻 📸 @volkswagen_de #volkswagen #golf #8 #gtd #vwgolf #vwgolf8 #golfgtd #diesel #vwgolfgtd #gtdsociety #turbodiesel #genevamotorshow #new #vwlove #dieselpower #hothatch #golf8 #mk8 #mk8gtd #tdi #tdipower #ledlights #carporn #carsofinstagram #vagcars #vw #newera #adblue #scr #cleandiesel

A post shared by Planet 🌍 VAG (@planetvag) on


Ти се допаѓа? Сподели со пријателите!

134
18 shares, 134 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *