Германската Железница постојано има проблеми во екстремните климатски услови. Бидејќи високата температура силно ги оптоварува челичните шини, компанијата сега почна да применува посебна метода.
Бел премаз ја смалува температурата на шините при високи температури. Лабораториските тестирања покажаа дека белите шини многу повеќе ја рефлектираат светлината. Поради тоа, премазот овозможува нивната температура да биде седум до осум степени пониска отколку без него.
Сознанијата од испитувањата се применети практично на мостот во Фиферската долина во свеерниот дел на покраината Хесен. Оваа брза железница ги спојува Хановер и Вирцбург. На мостот има два колосеци. На едниот колосек, шините во должина од илјада метри се бојадисани бело, додека вторите шини не се премачкани.
На шоните дополнително се поставени сензори кои постојано ја мерат температурата на челикот. Компјутер ги запишува податоците и ги споредува температурните дијаграми на обичните и белите шини. Тестирањето во практика ќе трае до крајот на годината. Доколку во реални услови се покаже дека белата боја навистина ја смалува температурата, постапката со белата боја ќе се применува и на други места.
Тестирањата почнале уште во минатата есен. По десет месеци е донесе заклучок дека белата еколошка боја се задржува на шините, но премазот мора да се обновува редовно.