111
89 shares, 111 points

Ford и Volkswagen ги објавија првите договори за соработката. Цел е да се зајакне конкурентноста на обете претпријатија и да се подобри понудата за клиентите, во периодов кога се случуваат брзи и радикални промени во автомобилската бранша

Џим Хакет и Херберт Дис, двајцата шефови на Ford и Volkswagen, го потпишаа првиот договор за заеднички развој на доставни возила и пикапи со средна големина. Возилата ќе стартуваат со продажба во 2022 година и ќе бидат наменети за глобалниот пазар. Алијансата ќе инвестира во заеднички платформи, коишто ќе се одликуваат со врвна конструкција и со напредни технологии.

Директорите на Ford и Volkswagen потпишаа и меморандум на разбирање, како основа за соработка во автономни возила, услуги за мобилност и електрични возила. Не се исклучува можноста за соработка и во други сегменти на возила. Тимовите ќе работат на деталите во следните неколку месеци.

Со алијансата ќе управува заеднички гремиум, којшто ќе се состои од врвните менаџери на двете компании, а со него ќе раководат директорите Хакет и Дис. Не се планира размена на удели меѓу двете компании.

Соработка во подрачјето на доставните возила и пикапите

Ford и Volkswagen имаат релативно широка понуда од лесни товарни возила, вклучувајќи ги познатите модели Transit и Ranger на Ford, односно Transporter, Caddy и Amarok на Volkswagen. Двете фирми лани испорачале околу 1,2 милион лесни товарни возила на светскиот пазар. Планот е алијансата да го преземе лидерството во ова подрачје.

Во следните пет години се очекува зголемување на побарувачката за пикапи и доставни возила со средна големина на светскиот пазар. Преку алијансата ќе се постигне заштеда во развојните трошоци, ќе се зголеми степенот на искористеност на фабриките, ќе се развијат возила кои ќе бидат пред конкуренцијата и ќе се намалат трошоците. Двата производитела притоа ќе ги задржат посебните белези на своите марки.

Во рамките на соработката, Ford ќе развива пикапи со средна големина, кои треба да стартуваат со продажба во 2022 година. Покрај тоа, Ford планира развој и производство на поголеми транспортери за двете компании, наменети за европскиот пазар. Volkswagen, пак, ќе развие градски ван за двете марки.

Volkswagen ќе произведува електрични автомобили во САД

Ford напредува на германскиот пазар повеќе од VW и BMW


Ти се допаѓа? Сподели со пријателите!

111
89 shares, 111 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format