163
29 shares, 163 points

Обично велосипедите се тие што се „тргаат“ пред автомобилите, но тука е поинаку. Ford Ranger на Тур де Франс вози во служба на најдобрите светски велосипедисти

Ford Ranger ќе биде честа глетка од годинешниов Тур де Франс. Пикапот вози како помошно возило за британскиот Sky Team, а Ford секако дека не пропушти масивното возило да го направи уште повпечатливо, со карактеристичните шари на белата каросерија. Ranger ги превезува и медицинскиот персонал и механичарите, покрај тоа што е полн со резервни делови, храна, алати и шишиња со течност.

Високото седење ќе му биде од корист на помошниот тим за подобро да ги воочи дупките на патот и да ги предупреди велосипедистите на Sky Team. Со појавувањето на најпознатата велосипедска трка во светот, Ford Ranger ќе ја шири пораката на „Share The Road“. Тоа е името на кампањата на Ford, којашто порачува да се постигне поголема хармонија меѓу возачите на автомобили и возачите не велосипед.

Ford е ексклузивен снабдувач на Sky Team со возила и транспортери

Партнерството меѓу Ford и Sky Team датира од 2016 година. Во пrатечкиот возен парк на велосипедскиот тим спаѓаат Ford Mondeo ST-Line и Ford S-Max, обата со погон на сите тркала, како и неколку примероци од Edge, Tourneo Custom и Transit.

Ford во рамките на кампањата „Share the Road“ неодамна претстави интересна демонстрација во виртуелна реалност, којашто мошне реално ги прикажува последиците кога возачите на автомобили не внимаваат на велосипедистите на патот.

Кампањата може да се погледне на https://www.ford.co.uk/experience-ford/about-ford/share-the-road


Ти се допаѓа? Сподели со пријателите!

163
29 shares, 163 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *