129
18 shares, 129 points

На светскиот ден на емоџи знаците, Ford открива дека има поднесено барање за пикапот да биде вклучен во списокот на емоџи знаци и во секојдневната комуникација по електронски пат. Дизајнот на пикап-емоџито исто така е дело на производителот на автомобили.

Секој ден се испраќаат милијарди емоџи знаци, вклучувајќи ги речиси сите видови возила. Автомобили, скутери, чамци, вселенски бродови, па дури и жичарници, но меѓу трите илјади одобрени икони пак недостига еден многу важен вид – пикап или камионет.

Ford се најде засегнат од отуството на пикапите, како производител што има повеќе од сто години традиција во сегментот. На светскиот ден на емоџи, гигантот од Дирборн му даде надеж на светот, дека проблемот наскоро ќе се реши.

Ford Ranger моментно е најпродаван пикап во Европа, со 26.700 примероци во првата половина од 2019 година

Барањето за пикап-емоџито било испратено до конзорциумот за унифицирано кодирање уште лани. Сега, камионетот е влезен во потесниот список кандидати за следното дополнување на „уникодот“.

Дизајнери и останати експерти на Ford вложија многу труд во изгледот на пикап-емоџито. Се прегледувале форуми, стилови на инфлуенсери и коментари на социјалните мрежи, за вистински да се погоди изгледот на симболот на пикап.

Во почетокот на 2020 година ќе се решава дали симболот за пикап на Ford ќе биде вклучен во компјутерската комуникација во светот.


Ти се допаѓа? Сподели со пријателите!

129
18 shares, 129 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *