Дарко Јаконов
Купувањето во онлајн-продавници е меѓу главните причинители за огромниот раст во користењето и продажбата на доставните возила. Тоа е финансиска инјекција за европската економија, вредна стотици милијарди евра.
Доставата на пратки во ЕУ само во 2017 година достигнала вредност од 675 милијарди евра, што е повеќе од бруто домашниот производ на Аргентина, Саудиска Арабија или Швајцарија. За пет години, секторот пораснал за 19 проценти, од 569 милијарди евра во 2012 година.
Тоа е еден од заклучоците во студијата на Центарот за економски и бизнис истражувања. Студијата ја спонзорираше Ford, како водечка марка во сегментот на лесните товарни возила во Европа.
Комбињата се главна поддршка во светот во којшто постојано се менува начинот на кој живееме и работиме. Студијата докажува дека доставните возила навистина претставуваат столб на бизнисот во Европа
Ханс Шеп, прв човек на европскиот огранок за товарни возила на Ford
Расте бројот на комбиња и растојанието што тие го минуваат. Франција, Германија, Италија, Холандија, Шпанија, Турција и Велика Британија бележат раст од 10% во бројот на комбиња по нивните патишта. Од 23,25 милиони возила во 2013 година, нивниот број лани достигнал 25,69 милиони. Најмногу раст имаат Турција (+31%), Германија (+24%) и Велика Британија (+20).
Сите доставни возила на седумте главни пазари во Европа заедно илјадапати го поминале растојоанието до сонцето и назад
Доставните комбиња на седумте најголеми пазари заедно извозеле 294 милијарди километри лани, што е еднакво на 1.000 „испораки“ до сонцето и назад. Тоа е за 12% повеќе од 2013 година. Најголемо растојание минале француските возачи (88 милијарди километри), додека највисок просек имаат возачите во Холандија и Шпанија, со 20.000 километри годишно.
Според студијата, повеќе од половината од популацијата на ЕУ нарачувала онлајн во 2018 година. Растот продолжува и во иднина. Друг фактор е трендот на самовработување.
Ford постигна значаен напредок во воведувањето на електромотори во погонската спрега во своите доставни возила. Во 2021 година ќе започне продажбата на Transit со погон само на батерија. Уште во текот на годинава стартува плагин-хибридната изведба на Transit Custom.
Ford вложува 500 милиони $ во пикапот на батерии на Rivian
Ford Escort во размер 1:25 вреден колку суперавтомобил
Ford Explorer пристига на крајот на годинава со 450 „хибридни“ КС
