144
19 shares, 144 points

Специјалната серија од Ford Mustang во чест на половина век од филмот „Булит“ се распродаде буквално за миг. За да излезе во пресрет на големата побадувачка, Ford повторно ја става на располагање специјалната серија Bullitt, со петлитарски V8 и со цена што е незамислива за сличен автомобил од европско производство.

Специјалната серија Ford Mustang Bullitt, со којашто беше одбележана 50-годишнината од легендарниот филм со Стив Меквин, повторно е достапна. Под хаубата на Bullitt работи засилен петлитарски V8, со „отворен“ вшмукувачки тракт, придушница од 87 милиметри и калибрација на контролната единица преземена од Shelby Mustang GT 350. Резултатот се 459 КС и вртежен момент од 526 њутнметри.

New photo by Automedia MK / Google Photos

Моделот е достапен со црна или темнозелена боја на каросеријата, со бандажи од 19 инчи и црвени сопирачки клешти Brembo. Пред возачот се наоѓа дисплеј од 12 инчи, во замена за класични инструменти. Седиштата се Recaro, со штепови во боја на каросеријата. Секој произведен примерок ќе поседува плочка со серискиот број, на местото пред совозачот кадешто обично се наоѓа амблемот на Mustang.

Цената за пазарот во Велика Британија изнесува 48.210 фунти.


Ти се допаѓа? Сподели со пријателите!

144
19 shares, 144 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *