Дарко Јаконов
Во новото продолжение на серијалот за најдобрите патеки за возење во Европа следи комбинација од две легенди, Ford Mustang Bullitt и тркачката мото-рута на островот Ман
Брзини како на германскиот аутобан, благи ридови, тесни свијоци и атмосфера што е својствена само за островите: Во деветтата епизода на „Најубавите патишта за возење во Европа“ станува збор за чист гран-туризмо, за GT во неговата најисконска форма. Ford Mustang вози на британскиот остров Ман, по патеката на која во 1907 година се одржала првата трка со мотоцикли во светот. Трката „Isle of Man Tourist Trophy“ секоја година ја следат 30 милиони обожуватели, на ТВ и на веб.
Десет сантиметри решаваат за останување или излетување од патот
Тркачката рута во должина од 60,7 километри се вози по јавни патишта, во услови што се предизвик и за човекот и за механиката. Вистинскиот опис на оваа единствена трка го даде легендарниот германски мотоциклист Зигфрид Шауцу, деветкратен победник на Ман: „Ако идеалната линија се утне за десет сантиметри, тоа може да значи излетување од патот“.
Островот Ман се наоѓа во Ирското Море, долг е 52 и широк 22 километри. Посебност на островот е врвот Снефел, на 621 метри надморска висина, од кадешто се гледаат сите четири територии на Обединетото Кралство: Англија, Шкотска, Велс и Северна Ирска.
Автомобилските ѕвезди пристигаат од спортското одделение Ford Performance
Ова е веќе деветто видео во серијалот на Ford за најдобрите патишта за возење низ Европа. Почна со суперспортскиот Ford GT на патот „Атлански Океан“ во Норвешка, а последна возеше Ford Fiesta ST на Виа Кампо Катино во Италија. Сите „актери“ на видеата потекнуваат од спортското одделение Ford Performance. Но, видеото со Ford Mustang Bulitt на Ман носи посебна напнатост.
Специјалната серија Ford Mustang Bullitt е изработена по пример на Mustang Fastback GT390 од 1968 година, кого што Стив Меквин го вози во легендарниот филм Булит. Моторот е петлитарски V8 со моќност од 460 КС, што е 10 КС повеќе отколку во стандардниот Mustang GT.
Целата серија може да се погледне на видео-каналот на Ford of Europe:
Во овој клуб на Менхетен сите сакаат да членуваат
Комплетен водич за новиот Ford Focus: Цени, опрема, мотори, перформанси
Ford Fiesta со лента што кажува „не можеш да ме престигнеш“
