134
18 shares, 134 points

Славеничко издание на Ford Mustang пристига во Европа, со осумцилиндарец под хаубата и неколку оригинални детали. Поради големиот интерес, верзијата Bullitt ќе се нуди и во следната година. Американската икона четири години е најпродавано спортско купе во светот.

Ford подготви посебна изведба на Mustang за 55-от роденден на легендарниот спортски модел. Нарачките стартуваат во август, тогаш ќе бидат познати и цените. Ford Mustang55 се базира врз Mustang GT со петлитарски V8 со 450 КС и се препознава по двете црни ленти по хаубата, црниот покрив, црниот беџ „пони“, бандажите од 19 инчи во сјајна црна боја и по задниот спојлер што се вградува како опција.

Ексклузивност има и во внатрешноста, со детали во финиш на карбон, кожа по средишната конзола и впечатлива сива опшивка. Вратите и на седиштата се обложени со алкантара. Главата на менувачот – шестстепен мануелен или 10-степен автоматски – исто така има различен изглед.

Во стандарндата опрема на Mustang55 спаѓаат седишта со ладење и грејачи, говорни команди Ford Sync 3, аудиофилско озвучување Bang & Olufsen со 12 звучници и модем за конективност. Верзиите со автоматски менувач имаат и опција за далечински старт.

Изведбата со 2,3-литарски EcoBoost  доби детали во стил на Mustang Shelby

Во исто време има измени и кај изведбата на Mustang со 2,3-литарскиот турбо, во којашто стандардно ќе се вградува издув со можност за избор на тивка работа. Детали од „Shelby“ се ретровизорите и спојлерот во сива боја и двете црни ленти по хаубата. Новитет претставува и тоа што поради големиот интерес, Ford ќе го нуди Mustang Bullitt на европскиот пазар и во следната година.

New photo by Automedia MK / Google Photos

Ford Mustang го одбележа 55-от роденден пролетоска. Првиот примерок од легендарната моделска серија е произведен на 17-ти април 1964 година. Лани, тој по четврти пат беше најпродавано спортско купе во светот. Mustang е достапен на 146 пазари, а актуелниот модел веќе надмина продукција од половина милион. Секој десетти примерок бил продаден во Европа.

Нови каросериски бои се иконско-сребрена, луцидно-црвена, твистер-портокалова и грабер-зелена.


Ти се допаѓа? Сподели со пријателите!

134
18 shares, 134 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *