124
17 shares, 124 points

Ford изврши неколку подобрувања во новото моделско годиште на Mustang, коишто беа неопходни поради големиот притисок од Chevrolet Camaro.

Со повеќе коњски сили, поголема агресивност во појавата и неколку новитети во техниката пристига новото моделско годиште на познатиот „пони“ автомобил на Ford. Измените во изгледот се незначителни во споредба со новитетите што Mustang ги носи под каросеријата. На местото на стариот автоматик со шест степени сега работи десетстепен автоматски менувач, којшто е достапен со обата мотори во понудата. Неколку фини дотерувања претрпе и мануелниот менувач.

ford mustang fl 00001

Класичната табла со инструменти е заменета со дисплеј од 30 сантиметри, а новитет е и технологијата MyMode со којашто возачите на Mustang можат да ги меморираат дотерувањата на подвозјето, управувањето и уште цела низа параметри, вклучувајќи го и звукот на моторот. За безбедноста се грижат систем за самостојно запирање при опасност од судир со препознавање пешаци на патот, систем за следење лента и предупредување при замор н возачот. Со доплата се достапни приспособливи амортизери MagneRide, коишто ги подигнуваат возните својства на уште повисоко ниво.

ford mustang fl 00002

Основата на четирицилиндарецот од 2,3 литри останува непроменета, новитет е краткотрајното зголемување на вртежниот момент, што е корисно на пример при престигнување. Повеќе промени претрпе петлиатрскиот V8 во Mustang GT, со преработено директно впрскување со цел повеќе њутнметри да се испорачуваат при пониски вртежи. Порасна и моќноста на осумцилиндарецот, а според ветувањата на Ford е намалена и потрошувачката. Конкретни податоци за моќноста уште не се наведуваат.

ford mustang fl 00004

Ford веќе ја започна офанзивата за воведување хибриден погон во моделската понуда, во којашто на крајот на деценијава ќе биде опфатен и Mustang, како и пикапот F-150.


Ти се допаѓа? Сподели со пријателите!

124
17 shares, 124 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *