131
18 shares, 131 points

Тоа е пример за верност за цел живот. Канаѓанец цели седум децении не го сменил својот прв автомобил. Ford Model T е произведен во 1927 година и се вози секој ден.

Убаво е човек да доживее 70-годишна возраст. Но, седум децении да се вози истиот автомобил, тоа е веќе нешто посебно. Еден Канаѓанец има таква автомобилска врска. Рендал Питмен го купил својот Ford Model T во 1949 година и уште го вози.

Господин Питмен денес е на свои 87 години, што значи дека имал 17 години кога го купил својот прв и актуелен автомобил. Тој морал во возилото да ја вложи целата заштеда од работата на пумпа за точење гориво. Инвестицијата се покажа одлична, затоа што автомобилот вози и служи до денес.

Десет центи по десет центи до „нов“ автомобил

Станува збор за заштедени околу 50 долари. Денес тоа не изгледа многу, но поинаку е кога ќе се има предвид дека за еден час работа на „пумпата“, Питмен тогаш добивал по 10 центи. Младиот Канаѓанец го купил Ford Model T на наддавање и се вратил дома со автомобил. Вистина е дека автомобилот веќе имал 20 години зад себе и уште тогаш бил блиску до олдтајмер, но времето се чини неважно покрај овој Ford.

Питмен се појави со својот автомобил пред камерите на неколку тв-куќи. Канаѓанецот роден во 1937 година не држи чекор со техниката. Тој никогаш не поседувал мобилен телефон. Овој Model T сепак не е единствен автомобил во неговиот живот. Во 1960-те години, Питмен купил втор автомобил. Ford Model T. Во 2008 година, американскиот концерн одбележуваше стогодишнина на овој историски модел, кој беше најпродаван автомобил во светот до 1972 година, додека не го замени „бубата“.

 


Ти се допаѓа? Сподели со пријателите!

131
18 shares, 131 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *