140
19 shares, 140 points

Ford ќе користи куќишта за светла и други делови од материјал што содржи остатоци при печење кафе. Станува збор за нов одржлив материјал што се изработува со малку енергија и воедно е полесен. Состојките ќе ги испорачува McDonald’s.

Ford и McDonald’s започнуваат единствена соработка во САД. Состојки од зрната кафе ќе се користат за изработка на делови за возила, на пример, куќишта за светла. Секоја година од печењето кафе произлегуваат големи количини лушпа од зрната. Производителот на автомобили и светскиот синџир за брза храна ќе го користат овој долговечен материјал, во знак на заштита на животната средина.

Под дејство на висока температура и во средина без присуство на кислород, овој материјал се меша со пластика и други додатоци, по што се претвора во пелети. Овие понатаму може да се обработуваат во најразлични форми. Новиот композитен материјал ги исполнува сите потребни стандарди за квалитет на делови за куќишта за светла, како и други делови.

Тежината на деловите од новиот материјал се полесни за 20 проценти, а за нивната изработка се троши 25% помалку енергија. Според тестирањата на Ford, „кафените“ делови имаат и подобри својства при дејство на топлина од класичните. Ова е првпат производителот на автомобили да користи лушпа од зрна кафе, за изработка на делови за возила.

Во оваа соработка се вклучени уште две компании во САД, Varroc Lighting Systems, производител на светла и Competitive Green Technologies, кој преработува остатоци од кафе.

Како е наместен дуелот меѓу пикапот на Tesla и Ford F-150


Ти се допаѓа? Сподели со пријателите!

140
19 shares, 140 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *