за ,

Ford Kuga радикално сменета и заслужено нова

Ford Kuga III 2019 premiera

Ford нагласува дека новата Kuga е првиот модел од куќата кој е достапен во три хибридни изведби, но сцената гледа друго. Ова е храбра отстапка од општиот тренд на СУВ модели со надувани каросерии. Kuga изгледа искрено и реално, тоа е освежувањето што некој требаше да го донесе.

Првиот впечаток најчесто ќе биде истиот. Зарем ова навистина е новата Kuga? Или можеби е кросовер изведба во гамата на Focus? Но, тоа што го прави Ford со третата генерација на својот компактен СУВ е толку потребно на сцената и се нарекува промена. Нејзиното височество, промената!

Во новата Kuga и натаму работи техника од компакт класата и нема назадување во просторноста или практичноста на кабината и багажникот, туку напротив, димензиите пораснаа во сите правци, освен во висината. Единствено е сменет визуелниот впечаток. Kuga не „глуми“ тежок теренец што топ не го бие, туку изгледа пристојно во уличната слика, цивилизирано.

New photo by Automedia MK / Google Photos

Трите различни изведби на хибриден погон се водат како Kuga Plug-In Hybrid, Kuga EcoBlue Hybrid (благ хибрид) и Kuga Hybrid (нормален хибрид, по пример на Toyota). На тоа следи дволитарски дизел со 190 КС, како и уште еден дизел со 120 КС и бензинец во верзии со 120 КС и со 150 КС, двата со зафатнина од 1,5 литар. Бидејќи станува збор за техника од новиот Focus, не недостига и опцијата за пристоен осумстепен автоматски менувач.

Дури и кога пазарот знаеше за моделската смена, купувачите пак се решаваа за Kuga: Лани биле продадени 153.800 примероци во Европа (+19%); Од стартот во 2008 година, надминат е еден милион

Од ставките во опремата што Ford ги нагласува при премиерата, Kuga поседува можност за опремување со модем FordPass Connect, напредни говорни команди Ford Sync 3, средишен дисплеј од 8 инчи на допир, опција за озвучување Bang & Olufsen – првпат во браншата воопшто се вградуваат и дигитални инструменти од 12,3 инчи со „вистински бои“, за полесно читање.

New photo by Automedia MK / Google Photos

Базирана на иста платформа со Focus, значи со архитектура C2, тежината на новата Kuga е пониска за 90 килограми во споредба со претходната. Кабината нуди повеќе простор, што се должи и на зголеменото меѓуоскино растојание. Хаубата е подолга, возилото е пониско, задното стакло е повеќе наведнато. Сето тоа создава нова, поелегантна и повеќе „автомобилска“ силуета.

New photo by Automedia MK / Google Photos

Трите нивоа на опрема се Titanium, Vignale и ST-Line, секоја со соодветни обележја, исто како во останатите моделски серии на Ford. На располагање стои избор од 12 бои за каросеријата, вклучувајќи ги двете нови бои, дифузно сребрена и седона портокалова. Кај ексклузивното ниво Vignale, може да се избере новата „blue panther“ боја, како дополнување за трислојната луцидно црвена и ѕвездено белата боја со бисерен ефект.

Плагин-хибрид со системски 225 КС и досег за 50 километри при возење само на струја

Верзијата со плагин-хибриден погон комбинира 2,5-литарски бензинец, електромотор и батерија од 14,4 kWh. Досегот со полна батерија изнесува 50 километри. За повторно полнење се доволни 4 часа на обичен приклучок за струја.

New photo by Automedia MK / Google Photos

Во верзијата со благ хибриден погон работи дволитарски дизел со 150 КС, со задолжителниот стартер-генератор, 48 волтна мрежа и малечка литиум-јон батерија. Просечната потрошувачка според новата норма изнесува 5,0 литри дизел.

Класичната хибридна изведба го користи истиот 2,5-литарски бензинец од „плагинот“ и во основа го следи погонскиот концепт на Toyota. Оваа погонска изведба со цената би требало да биде позиционирана меѓу плагин-хибридот и благиот хибрид. Моделот ќе биде достапен подоцна во следната година, во верзија со преден или со погон на сите тркала, со просечни 5,6 литри бензин на сто километри.

New photo by Automedia MK / Google Photos

Во поглед на габаритите, ширината на новата Kuga порасна за 48 mm, а должината за 89 mm, додека во меѓуоскиното растојание има екстра 20 милиметри. Висината е смалена за 20 милиметри, но според Ford, новата платформа и покрај тоа овозможува поголема висина на просторот за глава, дури 35 милиметри на задната клупа.

Детали за опремата, цените, пристигањето на европскиот и на македонскиот пазар, следат наскоро. Актуелноста на Ford Kuga сигурно не завршува тука.

Ford Focus и Fiesta добиваат благ хибриден погон

Генерациско соочување: „Четворките“ од Ford Escort и Ford Focus

Германска полиција ќе брка криминалци со Ford S-Max

Може едно спортско комбе од Ford со 185 КС?

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

volkswagen id roomzz

Уште еден Volkswagen на струја: ID Roomzz премиерно во Кина

Volkswagen e-Golf Хамбург автопилот

Volkswagen тестира Golf без возач по улиците на Хамбург