Најпродаваното возило во САД напролет ќе почне да вози со дизел мотор. Пикапот Ford F-150 добива трилитарски V6 со моќност од 250 КС и вртежен момент од близу 600 њутнметри. Според американските норми, кои се блиску до реалните вредности, потрошувачката на дизел е нешто пониска од осум литри на сто километри. Звучно име секогаш ги мами тамошните возачи, па и дизелот на Ford соодветно се води како „Power Stroke“. Со дизелот под хауба, пикапот може да влече приколка тешка околу пет тони.
Новиот мотор е изведен од 6,7-литарскиот V8 којшто се вградува во моделската варијанта Super Duty во серијата F. Десетстепениот автоматски менувач е поосебно калибриран за работа во комбинација со трилитарскиот дизел. Како што наведува производителот, преносните односи и промената на степен се оптимирани за ефикасност и моќно повлекување при ниски вртежи.
Автоматскиот менувач во дизелскиот Ford F-150 е единствен во сегментот што може да прескокне неколку степени, зависно од условите на возење. За дополнително намалување на потрошувачката на гориво и на емисијата на штетни материи, систем старт-стоп го гасне моторот при секое мирување на возилото.