144
19 shares, 144 points

Смален модел од Ford Escort, изработен од злато, дијаманти и сребро, се очекува да достигне астрономски вредности на онлајн наддавање на 2-ри март. Само материјалот вреди над 90.000 евра.

Професионален златар и љубител на автомобилизмот од Велика Британија во изминативе 25 години работел на автомобил каков што сцената нема видено досега. Уникатниот Ford Escort на Расел Лорд е 25 пати помал од вистинскиот автомобил, но затоа е изработен од злато, сребро и дијаманти. Лорд повеќе од добро го знае секој детал на Escort. Тој поседува точно 55 вистински примероци од овој модел на Ford.

Каросеријата е изработена од сребро, сопирачките и спојлерите се од злато, бандажите од 18-каратно злато, предната маска е од бело злато. За предните светлата се користени 72 дијаманти, портокалов сафир послужи за трепкачите, додека задните светла се од рубин.

Малечкиот, но скапоцен модел е изработен по пример на рели-автомобилот на легендарниот Ари Ватанен од доцните 1970-ти години. Со материјал вреден преку 90.000 евра, овој мини Escort од втората генерација ќе биде понуден на наддавање на 2-ри мај, на вебстраницата www.themarket.co.uk.

Во 25-те години се изработени безброј детали. Вредниот јувелир скршил неколку стаклени вазни само за да најде стакло со вистинско заоблување, што ќе одговара на оригиналот … видеото ја раскажува целата приказна

 


Ти се допаѓа? Сподели со пријателите!

144
19 shares, 144 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *