132
90 shares, 132 points

Некои автомобили стануваат сé повеќе посакувани како што минуваат годините. Ford Capri се рекламираше како „необично возило за обичниот пазар“, но во себе носеше големо волшебство. Половина век од првото појавување на спортското купе

Едноставна техника спакувана во привлечна каросерија, но на начин што прави колата да поседува карактер и да биде посакувана. Секаков обид да се опише формулата, според којашто се создаваа легендарните модели од помладаата автомобилска историја, завршува неуспешно. Не постои формула. Постојат само автомобили со душа. Еден од нив, Ford Capri.

Кога Ford првпат го претстави Capri пред светот во 1969 година, тој се издвојуваше од вообичаената рамка. Спортското купе располагаше со многу попросторна кабина во споредба во останатите купеа, со пристоен багажник исто така, по цена далеку под конкурентите.

New photo by Automedia MK / Google Photos

Формата на оваа легенда на четири тркала потекнува од Филип Т. Кларк, американскиот дизајнер кој претходно го создаде Ford Mustang. Моделот беше наменет за сите. Capri им беше достапен на младите купувачи, но го сакаа и повозрасните возачи, поради практичноста и просторноста. Подвозјето беше преземено од лимузината Ford Taunus, заедно со крутата задна оска со листести пружини.

Ford Capri всушност требаше да го носи името Colt, но Mitsubishi веќе го користеше во својата моделска понуда

Премиерата се случи во јануари 1969 година, на салонот во Брисел. Првично беше замислено купето да го носи името Colt, но потоа се воспостави дека Mitsubishi го користи тоа моделско име.

Продажбата стартуваше со пет варијанти: 1300, 1500, 1700 GT, 2000 и 2300 GT. Дијапазонот на моќност се движеше од 50 до 108 КС, со V4-мотори до 1,7 литар, односно V6-мотори за двата најсилни модела, кои се препознаваа по грпката на хаубата. На Capri 1300 му беа потребни 22,7 секунди за спринт до темпо 100, но затоа најбрзиот GT спринтуваше за само 10,6 секунди. Голема разлика имаше и во крајната брзина, од 133 до 178 km/h. Тоа се вредности што денес ги надминува и Fiesta.

Најголемата сензација беше цената: Старт од 6.995 германски марки

Во есента 1969 година беше претставена „фризирана“ изведба на 2300 GT, со поостро брегасто вратило, преправки во палењето и карбураторот и двоен издув. Моќноста се искачи на 190 КС, a соодветно се сменија и спринтот (9,8 s) и крајната брзина (190 km/h).

New photo by Automedia MK / Google Photos

Ford буквално имаше проблем да ја покрие побарувачката на пазарот. За неполни девет месеци беа произведени 75.000 примероци од Capri во фабриката во Келн. Автомобилот паралелно се произведуваше и во Хејлвуд, во Англија. Во август 1973 година, продукцијата во двете фабрики надмина еден милион примероци. По пет години од дебито, продажбата на купето уште растеше.

Врвот во гамата на Capri му припадна на 2600 RS, како основа за хомологација за трки

Во меѓувреме, моторите V4 беа заменети со 1,3- и 1,6-литарци, со 55 и 72 КС, односно 88 КС. Секако дека и трилитарскиот V6 со 140 КС, од Granada и Consul GT, проработе под долгата хауба на Capri.

Една моделска изведба останува запаметена до денес: Capri 2600 RS, со цена од 15.800 германски марки, со шест цилиндри, механичко впрскување гориво Kugelfischer, спуштено подвозје и 150 КС. Сето тоа беше заокружено со мат црна хауба и двојни светла. Од овој модел се изработија 1.000 примероци, заради хомологација за мотоспорт.

Наскоро следат уште две продолженија, за двете генерации до 1986 година.

Кога Ford Focus добива мотор од Mustang станува Focus ST

Тест: Ford Focus 1.0 125 КС Titanium Business

Хибриден Mondeo во салонот на Ford во Скопје

Ford Focus е автомобил на годината во Хрватска

Врски до објавите за следните две генерации на Ford Capri:

За 50-годишниот јубилеј на Ford Capri: Втора генерација (1974 – 1977)

Половина век на Ford Capri: Дивите години на третата генерација (1978 – 1986)


Ти се допаѓа? Сподели со пријателите!

132
90 shares, 132 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format