за

Fiat со дизел мотор во Италија поевтин од бензинец

Fiat dizel_poevtin_benzin

Првпат во историјата, модел со дизел мотор чини помалку од ист таков модел со бензинец. Во Италија, Fiat Tipo и Fiat 500L со 95 дизелски КС, месецов ќе бидат поевтини од моделите со бензински мотор

Октомври е месецот во којшто италијанските возачки и возачи ќе бидат особено горди на тоа што го имаат Fiat како домашна марка. Fiat Tipo 1.3 Multijet со 95 КС ќе биде достапен за 11.900 евра во лимузинска и 12.900 евра во комбилимузинска изведба со 5 врати. Комбито ќе чини 14.150 евра. Дополнително се нуди и можност за финансирање „Be-Smart“, со гарантирана вредност на возилото по 3 или 4 години.

Можноста дизел да се купи поевтино од бензинец се нуди и кај миниванот 500L. Во варијанта Urban и со истиот 1,3-литарски Multijet со 95 КС, „српскиот“ миниван чини 15.750 евра. Поволното финансирање е достапно и кај овој модел.

Заштедата, според соопштението за италијанскиот пазар, изнесува околу 3.000 евра наспроти редовната продажна цена на моделот со дизел мотор. Како дополнителна заштеда се наведува и тоа што со еден резервоар, дизелот минува до 400 километри повеќе.

Fiat Punto си замина од производствените ленти

Сите марки на Fiat во Италија на 48-часовен мега-попуст

Fiat_dizel_poevtin_benzin

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Peugeot 504 Coupe

Кој е тој славен Peugeot 504 Coupe за кого зборува цел Париз?

забрана дизел берлин

Берлин од април забранува сообраќај за стари дизели на 11 улици