162
23 shares, 162 points

Fiat 500 Spiaggina ’58 ќе се произведе во серија од 1958 примероци, со стилски детали од оригиналот од пред 60 години. Што се однесува до специјалните серии, на Fiat дефинитивно не му недостигаат идеи

Возачите во поголемиот дел не ги сакаат малечките автомобили. Но, кога ќе се додаде голем имиџ, автомобилите престануваат да бидат малечки. Fiat може да изведе уште сто специјални серии од „500“ и нема да биде здодевен. Од една страна, Италијанците владејат со стилот, од друга страна, Fiat 500 има оставено богато наследство.

Последниот во низата специјални серии е Fiat 500 Spiaggina, како посеќање на оригиналот од летото ’58-мо, кој бил омилен превоз за сопствениците на јахти и друштвото во крајбрежјето на Капри. Со прекар што значи „лежалка за плажа“, овој Fiat е симбол на Dolce Vita, на слаткиот живот.

Fiat 500 Spiaggina 1

Серијата ќе се изработи во само 1.958 примероци, според годината на појавувањето на првата Spiaggina. Не толку случајно, во истата година светот за првпат го слуша „Воларе“, италијанскиот евергрин. Fiat во таа чест сними и видео спот, како придружба за премиерата на лимитираниот модел.

Највпечатливиот детал е воларе-сината боја, којашто е изработена специјално за Spiaggina. Во стил на оригиналот е и белата линија по целиот обем. Внатрешноста е во две бои, секаде има по некое лого што се повикува на времето од пред шест децении. Бандажите од 16 инчи исто така се во стилот на 1950-те години. Моделот е достапен само во кабриолет изведба.

Уште две легенди на италијанскиот дизајн се придружија на јубилејот на Fiat 500 Spiaggina

На премиерата на новата Spiaggina се придружија уште две големи имиња од италијанската автомобилска сцена: Креативната работилница Garage Italia и легендарната Pininfarina. Тие го изработија Spiaggina by Garage Italia, како салонски примерок кој уште поверно го доловува духот на Воларе и Долче Вита.

Fiat 500 Spiaggina 11

Вообичаено за специјалните серии на база на Fiat 500, опремата е импресивна: Автоматска клима, паркинг сензори, дисплеј од 7 инчи заедно со Uconnect систем за поврзување со мобилен телефон и навигација. На избор стојат 1,2-литарец со 69 КС и двоцилиндарскиот TwinAir со 85 КС.

Италијанските стилисти се надминаа себеси со бројот на специјални серии на база на Fiat 500

Fiat 500 Spiaggina ’58 се надоврзува на низата лимитирани серии на база на ретро-моделот, од кои ги помниме Diesel, Gucci, GQ, Riva, Abarth Rivale, 560, Anniversario и Mirror.

Fiat_500-Jolly-Spiaggina

Fiat 500 Jolly се појави по една година од премиерата на Fiat 500 на 4-ти јули 1957, како прва специјална серија од култниот автомобил. Моделот го доби прекарот Spiaggina, се произведуваше во каросериската работилница Ghia до 1965 година и се продаваше во Европа и САД, па дури и во Јужна Африка. Со цена двапати повисока од стандардниот модел, Spiaggina се најде во возниот парк на највлијателните личности од јавната сфера, како магнатот Аристотел Оназис или актерот Јул Бринер.

Fiat 500 Spiaggina ’58

Flickr Album Gallery Powered By: WP Frank

Ти се допаѓа? Сподели со пријателите!

162
23 shares, 162 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743