за

Fiat 500 Dolcevita во знак на слаткиот живот во 1950-те

Fiat 500 Dolcevita
Fiat 500 Dolcevita

Fiat во изминативе 12 години претстави повеќе од 30 специјални серии на Fiat 500. Култот на автомобилот што придонесе за масовна моторизација во Европа остана неизбледен и негеовиот наследник денес се продава најдобро во својот сегмент, и покрај тоа што Fiat 500 како ретро модел е поскап од конкурентите. Fiat 500 е воедно и најпродаван модел во групацијата втора година по ред.

По традиција, Fiat ја прослави годишнината на „500“ на 4-ти јули. Новата специјална серија 500 Dolcevita става нагласок на италијанскиот гламур и на животниот стил што почна да се негува во 1950-те години, со вклучување на модата, дизајнот и уметноста. Лимитираната серија за „слаткиот живот“ добива уште поголемо значење, затоа што се појавува за 120-годишнината на Fiat.

New photo by Automedia MK / Google Photos

Каросеријата на „Dolcevita“ е лакирана во ексклузивна џелато-бјанко боја, со црвена-бела-црвена линија по целата должина. Името на серијата е напишано ракописно, на впечатлив хромиран амблем назад. Хромот е присутен и на хаубата, на куќиштата на ретровизорите и на страниците. Појавата ја заокружуваат бандажи од 16 инчи во бела боја и стаклен покрив во затворената каросериска изведба.

New photo by Automedia MK / Google Photos

Кабриолет-изведбата има неколку посебни детали. Покривот е изведен во пругаста сино-бела шара, што е првпат во историјата на „чинквеценто“. Тоа е стилот што потсеќа на платното од столиците и чадорите на плажите во времето на долче вита. Кабриолетот воедно одбележува десетгодишнина. Во внатрешноста има детали од дрво, изработени со врвна занаетчиска мајсторија.

New photo by Automedia MK / Google Photos

Понудата од погонски единици ја сочинуваат познатиот 1,2-литарец со 69 КС, кој може да се комбинира и со автоматски менувач и, посилна верзија со 85 КС, колку што испорачува 0,9-литарскиот Twin Air. Трета опција е 1,2-литарски мотор приспособен за работа со автогас, кој останува исклучително популарно гориво во Италија.

New photo by Automedia MK / Google Photos

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Renault Captur

Renault Captur ќе освојува повторно

Велосипеди најдобри градови

Копенхаген е најдобар град за возење велосипед во светот