Дарко Јаконов
Вработените во фабриката на Fiat во Торино доживеаја изненадување кога на службениот паркинг ги најдоа своите автомобили завиткани во големи ќеси и со скршено срце на нив.
Некои работници на Fiat имаа непријатно изненадување кога на заминување од работа ги најдоа своите автомобили целосно завиткани во ќеса. Тоа им се случи на работниците што возат автомобил од друга марка. На автомобилите имаше биле оставени и скршени срца со љубовна порака: „Ти се гледаш со друга. Ти ги скрши нашите срца. Но, без разлика на сé, никогаш нема да те заборавиме.“
Ова е дел од проектот на менаџментот на италијанскиот гигант, во кој што им се овозможува на вработените да купат автомобил од марките на Fiat со попуст од 26 проценти. Работните синдикати не останаа неми на ваквата промотивна акција на Fiat. Влијателниот италијански дневник „Ла Република“ го оцени чинот како „неприфатлива инвазија на приватноста. Fiat ќе ја спроведе акцијата и во сите останати фабрики во негова сопственост.
