124
17 shares, 124 points

Ferrari во понеделникот вредеше повеќе на берзата отколку американскиот гигант General Motors. Премиум-производителите Daimler и BMW имаат само незначително повисока вредност од италијанскиот специјалист за спортски автомобили.

Ferrari во своите две фабрики произведува неспоредливо помалку возила од американскиот гигант и „милионер“ General Motors, но затоа неговата вредност на берзата е поголема. Пазарната капитализација на Италијанците во понеделникот на моменти надминуваше вредност од 30 милијарди долари на берзата. General Motors моментно вреди 29,7 милијарди долари, додека конкурентите Ford и Fiat Chrysler се наоѓаат на 19,3 односно 13 милијарди долари.

Причина за високата вредност на Ferrari во споредба со големите концерни е тоа што производителот на спортски автомобили, и покрај смалените бизнис-прогнози, добро ја минува кризата и не бележи толку масивно опаѓање на продажбата како „големосериските“ гиганти во браншата.

Ferrari произведува одвај 10.000 автомобили годишно, во споредба со милионските продукции на Toyota, Volkswagen или GM. Разликата е во маржата. Според последните биланси, Ferrari заработува по една четвртина од продажната цена на своите автомобили, додека масовните производители дури и во најдобрите години мора да бидат задоволни со само неколку проценти.

Tesla е царот!

Додека курсот на повеќето производители на автомобили ослабна поради корона-кризата, акциите на Ferrari денес вредат повеќе отколку пред една година. BMW на берзата вреди 37 милијарди долари, Daimler минимално заостанува со 35 милијарди долари. Пазарен лидер е Volkswagen. Тоа се вредности за кои калифорнискиот електро-пионер може задоволно да се смешка. Tesla на берзата моментно постигнува вредност од преку 141 милијарди долари, што значи приближно исто колку Volkswagen, Daimler и BMW заедно.

Ferrari повторно прогласен за најмоќна марка во светот

Ferrari 250 GTO на наддавањето во Монтереј


Ти се допаѓа? Сподели со пријателите!

124
17 shares, 124 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *